النتائج 1 إلى 3 من 3

الموضوع: تخصص طب الأسرة ... مصر
  • مشاركات: 2 :: المشاهدات: 15604


    1. #1

      افتراضي تخصص طب الأسرة ... مصر

      Bookmark and Share

      السلام عليكــم ورحمـة الله وبركاتــة ،
      أولا : التخصص ده زي ما كل الناس عارفه لسه جديد ومش متطبق في مصر بسشكل واقعي الا في بعض

      وحدات ريفيه لكن ( وناخد بالنا اوي من كلمة لكن دي ) الي شغالين في الوحدات الريفيه دي مش اطباء أسره
      دول دكاتره تكليف عاديين الي هم الناس الكبار الي خدوا البكالوريوس وكبروا دماغهم على كده في التكليف ومش
      حضروا اي حاجه و كملوا حياتهم كده في التكليف و خلاص فدول الي ماسكين طب الاسره حاليا لان اصلا
      مفيش لسه حد اتخصص طب اسره في مصر انما النظام ده هيتطبق في مصر كليا من سنه 2012 او 2014 بشكل كامل في المدن و الريف و كل الاماكن
      يعني مش شرط انك هتشتغل في وحده ريفيه و لا حاجه , هاتقولي ياااااه لسه 2012 او 2014 هاقولك شوف
      انت اصلا هتخلص نيابتك امتى و لسه ال 6 شهور بتاع مساعد الاخصائي يعمي مش هتخلص قبل 2012 اصلا
      و دي ميزة اننا هنكون اول ناس تتعين و طبعا الاوائل في الموضوع يكون لهم الاولويه في كل شيء و انتوا
      عارفين كده كويس , و غير كده ان مرتب الحكومه هيكون عالي جدا و الشغل مريح جدا يعني اخره اوي لحد
      الساعه 2 الظهر و بعد كده انت حر في يومك تفتح عيادتك و تعيش حياتك ز هتقولي هفتح عياده ايه ؟ هاقولك انت
      اولا من حقك تفتح عياده و تكتب عليها باطني و أطفال او تكتب مثلا دكتور فلان باطني أخصائي طب الأسره او
      اطفال زي ما انت عاوز و محدش عارف حاجه و خصوصا اذا كنت فاتح في منطقه شعبيه و اعتقد ان معظمنا لو
      مكنش كلنا لازم يفتح عيادته في منطقه شعبيه اذ من غير المعقوا ان تبقى لسه في اول الطريق و تفتح في مصر
      الجديده مثلا حتى لو انت مدرس في الجامعه يعني مفيش مشكله . طيب عاوز حل اسهل بكتير ؟ هاقولك حل
      سهل خالص أضرب شهاده طبيب حر و سجل دبلومه أطفال دبلومه مش ماستر وخدها براحتك في فترة النيابه
      و لما تخلص و تفتح عياده اكتب عليها أخصائي أطفال بالبنط العريض و لا حد هايقولك ربع كلمه ومحدش يقولي
      دبلومه اطفال صعبه و خصوصا لو كانت في جامعه على ما تفرج و شغل الاطفال مش صعب و خصوصا انك
      هتشتغله كويس في النيابه مش هيفضلك غير النيونيت و ده انت مش محتاجه في عيادتكاما بقه الي خايف من انه
      يفضل في وحده ريفيه فده مش هيحصل لان زي ما قولنا انك اول ما هتخلص هيكون اتطبق في مصر كلها و
      هتشتغل في اي مكان و حتى لو وحده او العفريت حتى متنساش انك أخصائي و هتبقه المدير يعني الحضور و
      الانصراف ده بمزاجك تروح متروحش هتتزبط و اذا كان التكليف بيتزبط وانت عندك مدير غلس فما بالك بقه و
      انت المدير نفسه و بعدين مرتبها حلو اوي ولو قفلت معاك أجازه و اتفرغ لعيادتك
      و للبرايفيت ثانيا بقه و هو ده المهم جداااااااااااااااا احنا كل ده بنتكلم و انت في مصر
      و طب الاسره اصلا مش عشان مصر
      دلوقتي السعوديه و الخليج مطبيق طب الاسره كويس اوي و عاوزين اطباء اسره
      باعداد رهيبه لدرجه انهم بياخدوا اي جي بي لمجرد انه قضى سنه في مركز طب اسره
      او
      اكتر و كمان بيعملوا دورات طب اسرة الي كلنا عارفنها و دي اسمها دورات يعني لا ماجيستر و لا حتى دبلومه
      و بيسافروا علطول و بمرتبات خياليه يعني تخيل الجي بي بيسافر ب من 3,500 الى 4000 و دول بيسافروا
      على الاقل ب 5000 فما بالك بقه لو معاك ماستر انا ناس قالولي ان السفر بتاع الماستر بتاع طب الاسره
      ب 13000 وطبعا دا اول سفرك و بعد كده هتزيد غير ان اقامتك و اكلك و شربك وكل حاجه انت ومراتك
      عليهم يعني دخل ممتاز و كمان الشغل مريح جدا اقصاه 8 ساعات و سمعت كمان انهم 6 ساعات بس و شغل
      مريح اوي حتى في اثناء ساعات العمل و باقي اليوم فاضي هتقدر تستغله كويس اوي , هتقولي هاعمل فيه اي
      يعني هاقولك تعمل كتير اوي ابسط حاجه ممكن تعملها تخيل ايه ؟ زماله بريطانيه اطفال او باطني الوقت موجود
      للمذاكره الفلوس موجوده عشان الكتب و الامتحانات و كل حاجه و التعليم برده في شغلك لان شغلك معظمه
      باطني و اطفال و كده يبقه بعد كم سنه لو مش عاجبك طب الاسره اشتغل التخصص الي يعجبك بالزماله البريطانيه
      هتقولي ولما ارجع مصر هاعمل ايه ؟ هاقولك و ايه الي هيرجعك اصلا , مرتب زي
      الفل و بلد زي الفل عاوز ترجع ليه ؟!!!! و عموما يا عم لو رجعت ما انت معاك
      على الاقل دبلومه الاطفال الي اخدتها من قبل ما تسافر ارجع افتح عياده
      بقه زي ما قولنا جنب شغلك الصبح بتاع الحكومه وممكن كمان تكون اخدت الزماله
      البريطانيه و ترجع تشتغل استشاري باطني او اطفال
      بصراحه هو تخصص كويس و خصوصا انه لسه جديد احنا بسه الي دايما عندنا خوف من اي حاجه جديده
      و عاوزين نمشي جنب الحيط و سياسه الي نعرفه احسن من الي منعرفهوش زي كلنا ما سيبين مصر كلها
      و عايشين في 4 % بس مع اني شايف ان الصح دلوقتي انك تعمل حاجه ميكونش كل الناس بتعملها عشان تبقه
      متميز و مفيش زيك كتير فتعرف تاخد فرصتك كويس مش اخد عظام مثلا وفي مليون دكتور عظام في مصر
      , طيب وبعدين هاطلع اعمل ايه يعني اولا مش هتعلم كويس و بلاش نضحك على بعض لان مصر اصلا محدش
      بيتعلم فيها صح و الاخ الي بيقول ان بتاع طب الاسرهالاسره بس في باقي التخصصات مفيش و كمان بتاع طب
      الاسره عارف الي يلزمه و محدش في الدنيا يقدر يعرف كل حاجه و بعدين مننساش ان معظم الحالات الي
      بنشوفها و نقابلها حالات كلها جينرال وفين وفين لما بتكون في حالات كبيره و برده بتكون سهله اوي تتعلمها دا
      بالنسبه للباطنات و الاطفال
      فتعالوا نقيس الموضوع ونوزنه كله هتلاقي كل حاجه موجوده
      و اذا كان الواحد خايف على صورته و هيتكسف يقول انه طب اسره عشان الناس مش عارفه يعني ايه طب اسرة
      و هتفكره جي بي فبرده حلها في دبلومه الاطفال او الباطني وقول يا عم انك اخصائي اطفال او باطني و بلاش
      سيرة طب الاسرة دا خالص على ما الناس تفهم
      مش بيبقه متعلم كويس اقوله كفايه انه عارف في كل فروع الطب مش زي بتاع الباطني الي لو ابنه الصغير اتكسر
      يجري بيه في الشارع زييه زي اي واحد مش دكتور اصلا و بتاع الجراحه لو جاله التهاب في عنيه لا يعرف
      ياخد قطره و لا يعرف يعمل حاجه صحيح كل واحد منهم عارف في تخصصه احسن من بتاع طب
      1- شغل مريح سواء في مصر او في الدول العربيه
      2- فرصه سفر مضمونه وباعلى مرتب في التخصصات كلها
      3- هتختار بين تخصصات
      4-( نسا و اطفال و باطنى ) براحتك من غير ما تعذب نفسك و تستنى خمسين سنه عشان تاخد نيابه حاجه فيهم
      5-دراسه و ماستر سهل ( اسهل من اي حاجه تانيه )
      6- هتتعلم كويس




    2. #2
      عضو جديد
      تاريخ التسجيل
      Mon Mar 2010
      الدولة
      مصر
      المشاركات
      1

      افتراضي


      السلام عليكم ورحمة الله وبركاتة
      لو سمحتم انا جاتلى نيابة طب اسرة وانا مقيمة مع زوجى فى السعودية ونازلة اجازة لمصر مش طويلة من شهر 3 الى شهر 10 فقط وهارجع تانى السعودية.عاوزة حد يقولى ازاى استفيد من التخصص دة فى الفترة القليلة دية يعنى اعمل اية بحيث انى لما اسافر اقدر استفيد بالشغل هناك وهل الفترة دية كافية ارجو منكم الرد سريعا
      وجزاكم الله خيرا




    3. #3
      عضو متميز الصورة الرمزية dr_dina
      تاريخ التسجيل
      Mon Jul 2008
      الدولة
      مصــــــــر
      المشاركات
      357

      افتراضي


      السلام عليكم

      أفكر فى هذا التخصص كثيرا لكننى لازلت اجهل الكثير عنه

      جزاكم الله خيرا ،دكتور حسام

      dr_dina


      اسائلكم ونفسي ..هل أصاب القحـط وادينا ؟
      وهل جفت ينابيع الهدى أم أجدبـــــت فينا ؟

      فما المعنى بأن نحيا فلا نحيى بنا الديـــــنَ؟
      وما المعنى بأن نجتر مجــــدا ماضيــا حينا؟

      فمن للأمة الغرقـــــــــــى إذا كنا الغريقينـا ؟
      ومن للغاية الكبـــــــرى إذا ضمرت أمانينا ؟

      فعذرا إن عزفت اليوم ألحـــــــــان الشجيينا
      وإن اسرفت في التبيان عما بـــــــات يدمينا

      فإن الكون مشتاق لكم شوق المحبينا
      بنا يعلــــو منار الحــــق في الدنيـــا ويعليـــنا

    المواضيع المتشابهه

    1. المجموعة الأنجليزية الرائعة فى طب الأسرة للاطباء
      بواسطة Mr. Hussam في المنتدى Community Medicine
      مشاركات: 2
      آخر مشاركة: 28th April 2010, 06:09 PM
    2. مشاركات: 0
      آخر مشاركة: 22nd April 2009, 09:31 PM

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •