المساعد الشخصي الرقمي

مشاهدة النسخة كاملة : هام جدا لكل اللى داخلين كلية العلوم ©



Mr. Osama
5th September 2009, 06:07 AM
كل اللى عاوز تعرفه عن كلية العلوم

هام جدا لكل طلبة علوم


اولا مبروك ان كلية العلوم جاتلك
وباذن الله بعد لما تتخرج منها
هتفضل تفتخر طول حياتك
وادام كل الناس
انك درست فى اعرق كلية
وهي كلية العلوم
images/smilies/f.gif





بداية لابد منها

ماحدش يقدر ينكر ان العلوم هيا ارض العظماء , مع كل احترامنا وتقديرنا للباقين من البشر بس دايما العلوم هيا الام اللى بتجمع الكل حواليها , طبعا الكلام باين كده انه كلام انشا بس هيا دى الحقيقة بلا ادنى شك . وانا لا اقصد هنا العلوم يعنى كلية العلوم ولكن قصدى العلوم كمصطلح يعنى الناس اللى هما وهبوا حياتهم للعلم وبس .

طبعا لما نتكلم عن علوم ككلية بقى , يبقى بنتكلم عن كل العلوم الدنيوية اللى بتفيد كل الناس فى كافة مجالات الحياة ودى حقيقة الكل يعرفها او لازم يعرفها .

اما لو حبينا نتكلم عن العبقرية والعباقرة على مر الزمن فاكيد انت بتتكلم بطريقة مباشرة عن العلوم وعن دارسي العلوم من جابر بن حيان مرورا بنيوتن مرورا باينشتين مرورا بدكتور زويل ودكتور مصطفى السيد ودكتور الباز .....

طبعا فيه بينهم الكثير والكثير بس انا خايف من كتر ما اقول فى اساميهم يتحول الموضوع الى اسماء فى لوحة شرف ويكفى لنا شرفا ان نذكر حتى اسمائهم ولكن ليس هو هدفنا الان .

لو حبينا نتكلم دلوقتى عن حال كلية علوم , فبالتأكيد حالها كما يقول المثل لا يسر عدو ولا حبيب , ليه لانها طبعا فى نهاية صف كليات القمة , مع انى ضد هذه التقسيم للكليات , اننا مثلا نقول كلية قمة وكلية قاع ,, للاسف احنا فى مصر بنبص للتعليم بصة غريبة جدا عامة برضه ده مش موضوعنا .

بالذات السنة دى وانا صعقت من خبر سمعته ومش متاكد من صحته , ان علوم ما دخلتش المرحلة الاولى وده طبعا خبر يخليك تسكت خالص وما تتكلمش عارف لما تحل عليك مصيبة كده فتسكت من هول المصيبة وما تنطقش ب ولا كلمة خالص .

انا مش عاوز اقولكم بره فى امريكا مثلا ... علوم دى قصة تانية خالص , كفاية بس ان تقول انك كنت بتدرس فى كلية العلوم مش عندنا فى مصر تقول لواحد انا فى كلية علوم يقولك اه عارفها طبعا دار علوم ... دى كلية كويسة خالص وهتخليك شاطر فى العربى !!!

او تقعد مع واحد اذكى منه شوية ... فيقوللك ربنا يكرمك يا بنى مش علوم دى برضه اللى بطلع مدرسين العلوم بتوع ابتدائى ,,, اه مستقبلها كويس ربنا معاك يا بنى و يوفقك!!!



نيجى بقى لحبايبنا اللى جاتلهم كلية العلوم فى التنسيق ...
ناس كتير جدا ده لو ماكنش نسبة 99% من اللى جالهم علوم , جاتلهم عن طريق التنسيق مش حبا فى العلوم ولا الكلام ده وانا بصراحة واحد من الناس دول , يعنى مرة لما الدكتور سألنا فى اولى واحنا قاعدين فى المحاضرة وقال : كام واحد دخل علوم بمزاجه : يعنى دخل علوم بمجموع وليكن 99 % يعنى داخلها باختياره للاسف مفيش ولا واحد فى المدرج رفع ايده مع اننا كنا نفوق ال 250 طالب وللاسف الشديد .

عامة ,,, الكلمتين اللى قلتهم دول ماحدش ياخدهم على انهم شوية احباط فى الاول , او على انهم تأنيب كده بسرعة .... لا خالص بس دى الحقيقة المُرة اللى لازم تبقى عارفها و فاهمها كويس جدا وانت فى هذه الكلية .


من االاخر



بداية لابد منها

ولي عودة باذن الله
images/smilies/ff.gi





COPYING OF ANY TEXT FROM THE TOPIC IS NOT ALLOWED WITHOUT PERMISSION FROM AUTHOR

Mr. Osama
5th September 2009, 06:25 AM
ارض بما قسمه الله لك


حاول بأى طريقة تقنع نفسك بالكلية , وما تفضلش تقول اصلى كنت عاوز طب ... اصلى مش عارف اسنان ضاعت منى

كتر الكلام ده مش هيفيد بحاجة بالعكس ده ممكن يضرك كمان ويخليك تدخل الكلية وانت كارهها من قبل ما تعرفها ,, ده طبعا غير الكره المسبّق اللى هاتسمعه عن الكلية , فاعتقد مالهاش لازمة تفضل تقول لنفسك ده انا ناقصلى 2 فى المية على اسنان وناقصلى مش عارف كام على علاج طبيعى ,,, ولو كنت ذاكرت شوية كانت هاعمل كذا وكذا

. بص ده نصيبك وجالك مش يمكن بعد كده تحب الكلية وتتفوق فيها وتتخرج منها انسان ناجح تفيد بلدك وتفيد امة الاسلام

فياريت للمرة الالف بلاش كتر الكلام ده وقول الحمد لله على كل شئ مش الحمد لله الذى لا يحمد على مكروه سواه

?/????
5th September 2009, 06:50 AM
بالتوفيق ان شاء الله


ماحدش يقدر ينكر ان العلوم هيا ارض العظماء , مع كل احترامنا وتقديرنا للباقين من البشر بس دايما العلوم هيا الام اللى بتجمع الكل حواليها , طبعا الكلام باين كده انه كلام انشا بس هيا دى الحقيقة بلا ادنى شك . وانا لا اقصد هنا العلوم يعنى كلية العلوم ولكن قصدى العلوم كمصطلح يعنى الناس اللى هما وهبوا حياتهم للعلم وبس

طبعا لما نتكلم عن علوم ككلية بقى , يبقى بنتكلم عن كل العلوم الدنيوية اللى بتفيد كل الناس فى كافة مجالات الحياة ودى حقيقة الكل يعرفها او لازم يعرفها

اما لو حبينا نتكلم عن العبقرية والعباقرة على مر الزمن فاكيد انت بتتكلم بطريقة مباشرة عن العلوم وعن دارسي العلوم من جابر بن حيان مرورا بنيوتن مرورا باينشتين مرورا بدكتور زويل ودكتور مصطفى السيد ودكتور الباز .....

طبعا فيه بينهم الكثير والكثير بس انا خايف من كتر ما اقول فى اساميهم يتحول الموضوع الى اسماء فى لوحة شرف ويكفى لنا شرفا ان نذكر حتى اسمائهم ولكن ليس هو هدفنا الان

لو حبينا نتكلم دلوقتى عن حال كلية علوم , فبالتأكيد حالها كما يقول المثل لا يسر عدو ولا حبيب , ليه لانها طبعا فى نهاية صف كليات القمة , مع انى ضد هذه التقسيم للكليات , اننا مثلا نقول كلية قمة وكلية قاع ,, للاسف احنا فى مصر بنبص للتعليم بصة غريبة جدا عامة برضه ده مش موضوعنا

والله مش عارفة اشكر حضرتك ازاى
الموضوع ده لسه مكلمة فيه واحدة صاحبتى داخلة علوم وكنت اتمنى انهاتكون موصلة نت عشان تقرا الكلام ده واعتقد ان كل طالب داخل علوم محتاج يسمع الكلام ده
وان شاء الله فى انتظار التكملة عن الدراسة والاقسام ومستقبل الكليه
وجزاكم الله خيرا

Mr. Osama
5th September 2009, 07:00 AM
نظام الدراسة المبدئي


طبعا كلية علوم اربع سنين مش خمسة , يهنى هتبقى علوم وكمان سنة اعدادى مش كفاية انها علوم , يعنى هما اربع سنين كويسين ...

اكيد انت قبل الدراسة ما تبدأ هاتضطر تروح الكلية , هاتدفع المصاريف وحاجات كده , بس يمكن الاهم من المصاريف والكلام ده هو المواد الاختيارية اللى انت هتختارها فى سنة اولى واللى هتوجهك بعد كده لمسارات التخصص


أقسام الكلية


بص انا هاكلمك عن كلية العلوم جامعة القاهرة , باقى الكليات ماعرفش ايه النظام فيها
بس خلينا الاول فى علوم القاهرة وبعدين نبقى نشوف باقى كليات العلوم

اولا علوم القاهرة فيها الاقسام الاتية
1- قسم الرياضيات 1925
2- قسم الكيمياء 1925
3- قسم الفيزياء 1925
4- قسم علم النبات 1925
5- قسم علم الحيوان 1925
6- قسم الجيولوجيا 1925
7- قسم الفلك 1936
8- قسم علم الحشرات 1948
9- قسم الجيوفيزياء 1981
10- قسم البيوفيزياء 1984
بالاضافة الى مركز التحاليل الدقيقة 1971
ومركز صيانة الاجهزة 1984


عامة فى باقى الكليات احتمال متلاقيش كل الاقسام دى ,, لان علوم القاهرة هيا اول كلية علوم فى مصر وفى افريقيا كمان وفى الوطن العربى ولو تحب

بس فيه اقسام اساسية لازم تبقى موجودة فى اى كلية علوم وهما
الكيمياء والفيزياء والرياضيات والجيولوجيا والنبات والحيوان

Mr. Osama
5th September 2009, 07:24 AM
نظام الدراسة (1)


دلوقتى فى علوم القاهرة النظام اللى ماشى اللى هوا نظام الساعات المعتمدة , وده اتطبق بالظبط على الدفعة اللى كانت داخلة الكلية سبتمبر 2006 يعنى مش من فترة كبيرة .

هانبقى نعرض الفرق بين النظام القديم ونظام الساعات المعتمدة بعدين ان شاء الله

خلينا دلوقتى فى نظام الدراسة اللى هوا زى ما انا قلت اربع سنين ويمكن كل ما ده كلمة سنين دى هاتختفى من عندنا وتتبدل بكلمة اسمها المستويات الدراسية , لان نظام الساعات المعتمدة ده (Credit Hour System) مبنى على عدد معين من الساعات اللى لازم تجتازها عشان تدخل للمستوى اللى بعده .

طبعا كل مستوى متقسم على ترمين بيفصل بينهم اجازة نص السنة زى ما انتوا عارفين .

يلا بينا نغوص شوية فى نظام الساعت المعتمدة ده ..

اول حاجة هتقابلك فى نظام الساعات المعتمدة حتى قبل ما تبدأ الدراسة , هيا تسجيل الجدول بمعنى ان الكلية مش هاتقوللك خد الجدول اهه ودى المواعيد اللى عليك ... لا ده مش هيحصل

فى نظام الساعات المعتمدة انت اللى بتختار الجدول وانت اللى بتختار اماكن ومواعيد المحاضرات والسكاشن وتختار الايام براحتك خالص ,,, طبعا بيبقى متوفر ليك اكتر من موعد لكل محاضرة فى اكتر من يوم وانت بتختار بس خلى بالك ان كل مجموعة ليها عدد معين من الطلبة وبعد كده هتتقفل الكترونيا

طبعا نسيت اقوللك انك بتسجل على الانترنت على موقع الكلية ,, طبعا واحد هيقولى دلوقتى مه ممكن واحد رخم يدخل غير المواعيد بتاعتى !!! ما تقلقش من الموضوع ده خالص , بعد ما بتدفع المصاريف بتاخد رقم سري خاص بيك ده غير رقم الكود بتاعك فى الكلية واللى بيفضل معاك على طول لغاية ما تتخرج خالص وبتدخل بيهم على صفحة خاصة بيك انت وانت المسئول طبعا لو حد غير فى البيانات دى عشان الرقم ده ما حدش يعرفه غيرك من الاخر يعنى باس ورد بس على صغير

نسيت اقولك ... انك لو ما دفعتش المصاريف فى النظام الجديد مش هتاخد الرقم السري ولا رقم الكود وبالتالى مش هاتسجل الجدول وبالتالى مش من حقك تحضر المحاضرات وبالتالى انت غياب !!!

من الاخر هتدفع يعنى هتدفع ... دى قضية محسومة فى الكلية من زمان بمزاجك هتدفع غصب عنك هتدفع , يعنى هيا مصاريف اولى مش كتير اوى مش هيعدوا 150 ولا حاجة بس انا مش متاكد من الرقم اوى لما هتروح الكلية هتعرف بنفسك الرقم الصحيح

Mr. Osama
5th September 2009, 07:30 AM
والله مش عارفة اشكر حضرتك ازاى
الموضوع ده لسه مكلمة فيه واحدة صاحبتى داخلة علوم وكنت اتمنى انهاتكون موصلة نت عشان تقرا الكلام ده واعتقد ان كل طالب داخل علوم محتاج يسمع الكلام ده
وان شاء الله فى انتظار التكملة عن الدراسة والاقسام ومستقبل الكليه
وجزاكم الله خيرا



SugarwareZ-220.gif
اكيد يا دكتورة طلبة كتير محتاجة تعرف الكلام ده كويس
واتمنى ان غيرى يستفيد منه
ولو بالقدر البسيط
ويارب يجعل هذا كله خالصا لوجهه تعالى

????
5th September 2009, 12:50 PM
قول الحمد لله على كل شئ مش الحمد لله الذى لا يحمد على مكروه سواه
على فكره هما بيأدوا لمعنى واحد وهو اننا نرضى باللى ربنا قسمه لينا ومفيش اى عيب فى الاتنين
وزى ما انت ما قلت ان عدد كبير جدا مكانش عاوز يدخل الكلية دى يعنى ده شئ مكروه بالنسبه لهم فبنقول (الحمد لله الذى لا يحمد على مكروه سواه)فالكلية دى مكروه لكتييييير جدا بس فى نفس الوقت ده الخير ليهم
عموما شكرا ع الموضوع المفيد جدا ده :Bg-011:

????
5th September 2009, 01:32 PM
بس هو ايه رقم الكود والرقم السرى ده؟ انا سجلت ودفعت المصاريف بس ماخدتش رقم سرى او رقم الكود هو الكلام ده فى ع القاهره بس ولا فى كله؟؟؟؟؟؟؟؟؟؟؟؟؟؟

Mr. Osama
5th September 2009, 02:13 PM
بس هو ايه رقم الكود والرقم السرى ده؟ انا سجلت ودفعت المصاريف بس ماخدتش رقم سرى او رقم الكود هو الكلام ده فى ع القاهره بس ولا فى كله؟؟؟؟؟؟؟؟؟؟؟؟؟؟

رقم الكود ده يا اسراء بيبقى على الكارنيه وبيبقى معاكى على طول فى الكلية ,,, قصدي يعنى لما تعرفى النتيجة ولما تسجلى حضور وغياب وكده يعنى

بالنسبة بقى للرقم السري , فده فى حالة ان نظام الساعات المعتمدة مطبق عندكوا واعتقد هوا متطبق بالفعل فى علوم المنوفية وده رقم بدخل بيه على موقع الكلية عشان اسجل الجدول بتاعى ....

بس احتمال يكون فى بعض الاخطاء فى تطبيق نظام الساعات المعتمدة فى بعض الكليات فهتلاقى الجدول عندكوا بينزل للكل عادى من غير تسجيل يعنى هتلاقى جدول متعلق لكل تخصص بمواعيد محاضراته

عامة عندنا فى علوم القاهرة تسجيل الجدول ده موجود , بس بيبقى فى الاسبوعين اللى هما قبل الدراسة

Mr. Osama
5th September 2009, 02:37 PM
جولة مع نظام الساعات المعتمدة


طبعا لو قلنا يعنى ايه ساعة معتمدة , ف هنقول مثلا ان لو محاضرة مدتها ساعة فدي بتتحسب ساعة معتمدة واحدة ولو محاضرة مدتها ساعتين فدى بتتحسب ساعتين معتمدتين ولو محاضرة مدتها تلت ساعات تتحسب تلت ساعات معتمدة وهكذا

اما بالنسبة للسكاشن والمعامل , فسواء كان السكشن مدته ساعتين او تلت ساعات فبيتحسب ساعة معتمدة واحدة ,, اما السكشن اللى هوا ست ساعات بيتحسب ساعتين معتمدتين وماتقلقش مافيش معمل 6 ساعات غير من اول ستة تالتة عشان انت فى اولى وتانية بتبقى لسه ما تعودتش على نظام الكلية وكده .



انت بقى عشان تتخرج وتاخد البكالريوس ان شاء الله فانت محتاج تكون اجتزت 146 ساعة على الاقل ودول بيتحسبوا على جزئين متطلبات جامعة ومتطلبات كلية ومتطلبات تخصص

متطلبات الجامعة دى مواد نزلت جديدة مع نظام الساعات المعتمدة ما كانتش موجودة قبل كده فى النظام القديم وهيا كالاتى مقسمة على اربع اجزاء
الحاسب الالى (اجبارى طبعا)
لغة انجليزية ( اجبارى برضه)
حقوق انسان (اجبارى هيا كمان)
ويتفضل ليك فى الاخر الحرية فى اختيار احد المواد الاتية ومش كلها طبعا
مبادى ادارة ومحاسبة - مبادى قانون - ثقافة بيئية - لغة عربية

طبعا انا نصيحتى ليك انك تختار الثقافة البيئية لانها سهلة جدا وكلها تقريبا شبه معلومات عامة

طبعا كل مادة فيهم بتبقى ساعتين معتمدتين , بالنسبة للكمبيوتر هوا بس اللى فيه عملى , باقى متطلبات الجامعة مافيهوش حكاية العملى دى


متطلبات الكلية دى بكل بساطة اللى هيا المواد الاساسية اللى موجودة فى سنة اولى (قصدى طبعا المستوى الاول) ودى كل الناس بتاخدها طبعا فيها بدائل

يعنى مثلا فى سنة اولى فيه تلت مواد اساسية الكلية كلها بتاخدهم اللى هما رياضيات وفيزياء وكيمياء دول اساسى عند كل الناس ,,, نيجى بقى للبدائل المتاحة ليك

انت المفروض تختار مادتين فقط من اللى هاقولك عليهم دلوقتى
وطبعا المادتين دول هما اللى هيوجهوك للتخصص بعد كده
(جيوفيزياء-بيوفيزياء-فلك و فضاء-بيولوجى-حشرات-جيولوجيا-حيوان-نبات-ميكانيكا-برمجة-احصاء رياضى-جبر)

طبعا فيه حاجة لازم تعرفها وهيا ان متطلبات الجامعة دى مش شرط تاخدها فى سنة اولى ,, ممكن تاخدها فى اى سنة بس طبعا مش هتاخد البكالريوس من غيرها بس يفضل طبعا انك تاخدها فى سنة اولى عشان اولى الساعات المعتمدة اللى فيها قليلة (يعنى من الاخر موادها قليلة)

Mr. Osama
5th September 2009, 03:06 PM
معلومات فى السريع


طبعا بعد ما تدفع المصاريف وتسجل الجدول وتطبعه , هيطلع لك فى الجدول المطبوع اسم الدكتور اللى هيشوف الجدول بتاعك ويراجع لك عليه اللى هو المرشد الاكاديمى .

والمرشد الاكاديمى بكل بساطة هو استاذ فى الكلية بيساعدك فى تسجيل الجدول وبيوقعلك عليه وبيساعدك ازاى تختار المواد والتخصص ولو قابلتك اى مشكلة اثناء الدراسة هتروح له وهوا باذن الله هيحلها لك .

طبعا بمناسبة نظام الساعات المعتمدة , فعندنا فى الكلية حضور وغياب وطبعا عليهم درجات ومسموح ليك انك تغيب لغاية 25 % من مواعيد المقرر مش اكتر من كده , نصيحتى ليك ما تحاولش تغيب خالص واحضر كل محاضراتك وما تفوتش حاجة عشان متجيش تندم بعدين

نيجى بقى لتوزيعة الدرجات , اولا التقديرات كالاتى
ممتاز 85% - 3.5 نقط فى نظام الساعات المعتمدة
جيد جدا 75% - 2.5 نقطة فى نظام الساعات المعتمدة
جيد 65 % - 1.5 نقطة
مقبول 60 % - نقطة واحدة بس

على فكرة كل المواد عندنا فى الكلية من 100 درجة ومش عاوز اقولك انك لازم تعدى الستين عشان تنجح وما تقولش اصل فيه رفع وكلام من ده عشان ساعات والله الرفع فى الدرجات بيتوقف ومش بيتنفذ وناس بتكون جايبة 57 وبتشيل المادة فانصحك ما تبصش لحاجة اسمها الرفع دى خالص

نسيت اقول ان عندنا بالاضافة للتقديرات والدرجات فيه حاجة اسمها المعدل التراكمى والمعدل الفصلى هيا هيا حكاية الدرجات بس معمولة فى شكل نقط , يعنى مثلا بدل ما تقول انا جبت 63 فى الكيميا تقول انا جبت 1.3 وبدل ما تقول انا جبت 79 فى الجيولوجيا تقول انا جبت 2.9 وهكذاااااااااااااااااااااا

طبعا المعدل الفصلى بيتحسب لكل الترم , اما المعدل التراكمى فبيتحسب لكل الترمات وده بيطلع لك بعد كل ترم فى الجدول اللى هاتسجله فى الترم اللى بعده

المعدل الفصلى =(مجموع حاصل ضرب كل مقرر فصلى x عدد ساعاته المعتمدة) / حاصل جمع الساعات المعتمدة لهذه المقررات فى الفصل

المعدل التراكمى = (مجموع حاصل ضرب نقاط كل مقرر تم دراسته x عدد ساعاته المعتمدة) / حاصل جمع للساعات المعتمدة لهذه المقررات التى تم دراستها .

وعشان تعدى من المستوى الاول للمستوى التانى لازم يكون معدلك التراكمى لا يقل عم 1.00 لانه لو اقل من كده مش هيبقى مسموح ليك انك تسجل اى مادة من مواد المستوى الثانى اللى هيا مجازا مواد سنة تانية

Mr. Osama
5th September 2009, 03:36 PM
تقسيمة الدرجات


انا قلتلك ان كل مادة عليها 100 درجة طيب ال100 درجة دول متقسمين ازاى ؟؟؟؟؟؟؟؟؟

اولا فى المواد اللى ليها عملى ودى (اغلب المواد)
60 درجة للامتحان النهائي ... امتحان الفينال يعنى
30 درجة لامتحان العملى
10 درجات لامتحان الميد ترم

اما المواد اللى مافيهاش عملى ( بس فيها سكاشن طبعا)
60 درجة للامتان النهائى
20 درجة شيتات فى المحاضرة ( يلا يا عم هتشبع شيتات)
20 درجة لامتحان الميد ترم

طيب ايه الفرق بين السكشن والمحاضرة ,,,, بص كل معمل سكشن ومش كل سكشن معمل !!!!!!!!!

السكاشن اصلا بيبقى فايدتها انك تحل مسائل مع المعيد وكده وتطبق اللى شرحه الدكتور فى المحاضرة عشان الدكتور هيوريك مثال او اتنين بالكتير اوى والباقى طبعا فى السكشن مع المعيد

وساعات بيبقى السكشن فى مدرج مش لازم يعنى معمل بالشكل المتعارف عليه ,,,, اما المعمل فيجوز ان احنا نقول عليه سكشن عادى عشان بنحل فيه مسائل وممكن نسميه معمل عشان التجارب وكده

بالنسبة لو اتكلمنا عن معمل الكيميا فبغض النظر عن ادوات المعمل اللى هيا الفوطة الصفرا ( سواق تاكسي ان شاء الله:3rbloadiz_3:) وال test tubes والحامل بتاع الادوات وكل الكلام ده

فالبلطو شئ مقدس فى معمل الكلية ,, ومش عاوز اقولك انك لو نسيته بعد كده (( اول معمل عادى ما تقلقش)) احتمال تتهزأ من المعيد واحتمال تتكتب غياب واحتمال تنطرد من السكشن انت ونصيبك بقى

وعلى فكرة لو حصل معاك اكتر من كده فهما صح مش غلطانين وانت اللى غلطان !!!!!!!!! عشان البالطو فى معمل الكلية مش وجاهة اجتماعية ولا الكلام ده ,,, الفكرة كلها فى البالطو فى اى حتة فى الدنيا ان البالطو معمول عشان تحمى هدومك من مواد غاية فى الخطورة ممكن لو نقطة منها وقعت على هدومك مش هتبوظها ........لا .... دى تعملك فيها ثقب تذكار :3rbloadiz_3:
ما تخفش هنبقى نعرف ازاى نتعامل جوه معمل الكيميا العضوية

Mr. Osama
5th September 2009, 07:05 PM
التخصص


طبعا حكاية التخصص دى بتجيى من بعد سنة اولى وده طبعا زى ما قلتلك على حسب المواد الاختيارية اللى انت اخترتها فى المستوى الاول .

مش هاخفى عليك للاسف الشديد انه ظهر تخصص من سنة اولى والحكاية دى برضه ظهرت مع النظام الجديد يعنى طلع معاه حاجة اسمها تخصص علوم البترول والبيوتكنولوجى وطبعا الحاجات دى ممكن تتخصص فيها من سنة اولى بس طبعا ليها مصاريف (Special) غير مصاريف الكلية اصلا مبلغ كبير برضه مش صغير يعنى

انما لو هانتكلم عن النظام الافتراضى فالتخصص بيبدأ من سنة تانية ان شاء الله والتخصص فى علوم القاهرة ليه حالتين مالهمش تالت ياما تتخصص فى تخصص مزدوج او تخصص منفرد واللى بيسموه فى الكلية (Special) طبعا سباشيل دى غير سباشيل اللى قبلها

بس عامة التخصصات المزودجة مش بيبقى ليها شروط عشان تدخلها غير انك تدرس المواد اللى هيا متطلبات للتخصص ده وخلاص , اما التخصصات المنفردة زى كيمياء منفرد وجيولوجيا منفرد فدول بيحتاجوا على ما اعتقد تقدير جيد جدا توتال وكمان ممكن يحددوها بجيد جدا للكيميات او وبالنسبة للجيولوجيا برضه تجيب جيد جدا فى المواد المتطلبة للتخصص ده .

والتخصصات المنفردة اللى ممكن تاخد فيها البكالريوس فى علوم القاهرة هيا :::
1-رياضيات
2-كيمياء
3-فيزياء
4-جيولوجيا
5-إحصاء
6-علوم حاسب
7-فيزياء اتصالات
8-علوم الفضاء
9-بيوفيزيا
10-جيوفيزيا
11-علوم البترول

اما بالنسبة للى عاوز يتخصص فى تخصص مزدوج فعنده الاتى
1-كيميا/كيميا حيوية
2-كيميا/نبات
3-رياضيات/علوم حاسب
4-رياضيات/احصاء
5-رياضيات/فيزياء
6-كيميا/ميكروبيولوجى
7-رياضيات/فلك
8-كيميا/حيوان
9-فيزيا/فلك
10-كيميا/جيولوجيا
11-فيزياء/علوم جوية
12-كيميا/حشرات
13-كيميا/فيزيا
14-تقنية حيوية/كيميا حيوية جزيئية


فاصل اعلانى ونواصل
:3rbloadiz_3:

Mr. Osama
5th September 2009, 10:13 PM
كورس السمر
لا قدر الله


كورس السمر , أو نظام السمر كورس (Summer Coarse) هوا نظام لسه جديد طلع برضه مع نظام الساعت المعتمدة ويمكن حكاية السمر كورس دي حلت مشاكل كتير كانت موجودة فى النظام القديم .

باختصار لا قدر الله لما واحد بيرسب فى مادة ولا حاجة ف ممكن ياخدها فى الصيف ويحضر لها محاضرات وسكاشن عادى جدا ولكن طبعا بيدفع على المادة 100 جنيه ومسموح له يسجل فى الصيف لغاية 8 ساعات معتمدة بحد أقصى .

لانه كان فى النظام القديم مفيش حاجة اسمها كورس فى الصيف , ولما كان اى طالب بيرسب فى اى مادة كان بياخدها معاه السنة اللى بعديها ومضطر انه يذاكرها لوحده او ممكن يحضر لها محاضرات فى مواعيد يكون هوا فاضى فيها طبعا وكان برضه بيتحسب له فى تانى مرة يدخل امتحانها مقبول حتى لو قفل الامتحان ..

برضه من احد العيوب القاتلة فى النظام القديم انك لو رسبت فى تلت مواد فى ترم واحد ف بالتالى هتشيل السنة كلها عشان خاطر التلت مواد دول ... وتفضل تروح الجامعة سنة بحالها عشان تلت مواد بس .

طبعا كل ده كان فى النظام القديم .. وحاليا هوا اختفى خالص مع اخر دفعة كان متطبق عليها هذا النظام وهيا دفعة اللى دخلت الكلية سبتمبر 2005 وحاليا هما اتخرجوا خلاص واتخرج معاهم النظام القديم بكل ما فيه من مميزات جميلة وعيوب قاتلة .

برضه مش معنى كده ان نظام الساعت المعتمدة هوا نظام غاية فى الروعة ... فى حقيقة النظام ده ف هوا نظام اكثر من ممتاز ... ولكن عشان احنا فى مصر زى ما انتوا عارفين فالنظام ده بيطبق بطريقة غلط تمام عشان كده اكتشفنا فيه عيوب برضه قاتلة هابقى اكلمكوا عليها بعدين ان شاء الله .

Mr. Osama
6th September 2009, 11:55 PM
تسجيل المقررات
بالنسبة لعلوم القاهرة


طبعا انت اكيد رحت الكلية ودفعت المصاريف , ودفعوك عشرة جنيه فى الكتاب الاصفر اللى فيه المقررات , عامة انا عن نفسى مش هاشتريه (مش قديم وخبرة :Bg-012:)

بس عامة هوا كتاب مهم وهيفيدك فى الاربع سنين ,عشان طبعا فيه مواعيد الامتحانات بالنسبة للميد ترم والفينال بالنسبة بقى لتسجيل الجدول حاول تظبط الجدول بحيث تعمل لك يوم اجازة فى الاسبوع لو امكن يعنى طبعا هتزنق معاك فى باقى الايام بس مش مشكلة , ده هيفيدك لما تيجى تذاكر بعد كده .

متنساش وانت بتسجل الجدول على النت انك تتاكد كويس من المواد اللى بتسجلها كويس عشان لو حصل اى غلط ولا حاجة ,,, وعامة لو فى مادة اكتشفت ( طبعا اختيارية) بعد كام يوم انها مش عاجباك , ما تقلقش في حاجة اسمها اسبوع الحذف والاضافة وهتدفع على المادة اعتقد عشرة جنيه او عشرين مش متاكد يعنى , وده بيسموه اسبوع الحذف والاضافة وده اعتقد بيبقى بعد الدراسة باسبوعين .



فاصل ونواصل
:Bg-041:

Mr. Osama
7th September 2009, 04:33 PM
بداية الدراسة


طبعا مش هاخبى عليك انك بعد الدراسة بكام اسبوع هيقولوا لك ان الميد ترم قرب استعد وطبعا بعد الميد ترم بكام اسبوع هيقولوا لك ان العملى قرب وطبعا برضه بعد العملى بكام اسبوع هتعرف ان الفينال قرب ومع ذلك متخافش خالص ده سيستم الكلية طول عمره وهتتعود عليه ما تقلقش من الموضوع ده خالص :3rbloadiz_3:.

بالنسبة بقى للدراسة والمذاكرة وحضور المحاضرات , اولا ما تغيبش من اى محاضرة لسببين : السبب الاول انك هتتكتب غياب وده مش فى مصلحتك , السبب التانى ان ممكن الدكتور ممكن يقول حاجة وتيجى فى الامتحان .

عاوزك بقى تنسى الثانوية العامة دى للابد وتمحيها من دماغك خالص , عشان فى الجامعة انت اللى هتذاكر لنفسك وانت اللى هتعمل ملخصات لنفسك وبرضه خلى بالك من حاجة مهمة جدا , وهيا ان كلام الدكتور فى المحاضرة بنعتبره سورى فى اللفظ (كلام مقدس) لان اى حاجة بيقولها الدكتور ممكن تدخل الامتحان تلاقيها فى وشك .

طبعا سيبك من الدروس والكلام الفاضى ده عشان الدروس فى الجامعة غالية جدا ده اولا وثانيا اللى هيديك درس هوا معيد يعنى مش دكتور ولا استاذ مساعد .

عشان من الاخر الدكتور عندنا مش هيستنى فلوس الدروس بتاعتك , هوا اصلا مش محتاج وثانيا اغلب الدكاترة عندنا بيكرهوا الدروس زى العمى بالظبط .

Mr. Osama
8th September 2009, 12:25 AM
أول يوم فى الدراسة


طبعا عادى جدا , يوم زى باقى الايام بس حاول تروح بدرى عشان زى ما انت عارف المواصلات وكده وبرضه عشان انت اكيد لسه هتدور عالمدرجات (عامة هنبقى نتكلم عن المدرجات واماكنها ما تقلقش) .

نيجى بقى لنظام المحاضرة , طبعا الدراسة فى كل المواد باللغة الانجليزية يعنى من الاخر هتنسى العربى شوية , يمكن اللى بيدرس بالعربى بس اللى هما متطلبات الجامعة زى الثقافة البيئية وحقوق الانسان , انما كل المواد فى الكلية بما فيهم الحاسب الالى بيدرسوا بالانجليزى .

طبعا الشرح بالانجليزى والكتابة فى الامتحان بالانجليزى والكتاب .... الخ , برضه مش عاوزك تقلق خالص من حكاية الانجليزى دى , لان المشكلة دى قابلت كل الناس حتى الدكتور اللى هيقف ويرشحلك برضه قابلته المشكلة دى لما دخل الكلية ..

وعلى فكرة اغلب الدكاترة بيشرحوا مكس بين العربى والانجليزى , بس عامة بالنسبة لسنة لدكاترة اولى كتير فى الكلية هيساعدوك فى حكاية الانجليزى دى وهيترجم لك اى كلمة انت مش عارفها وحاول على اد ما تقدر تكتب كل حاجة فى المحاضرة عربى على انجليزى ولا يهمك ونصيحتى ليك ما تحاولش تفكر خالص انك تشترى قاموس ...

طب ليه ؟؟؟؟؟؟؟؟؟؟؟؟؟؟؟؟؟؟
الوقت اللى المفروض تذاكر فيه هتضيعه فى ترجمة فقرة ولا حاجة , لا ....... انت خد المعنى العام للفقرة وحاول تفهمها ولو زنقت معاك ممكن تسأل الدكتور فى المحاضرة الجاية .

برضه ما تحاولش تترجم كل حاجة بتقابلك , يعنى وانت بتذاكر برمج مخك على الانجليزى وما تفضلش تقول

موجات الصوت لها خصائص محددة ؟؟؟؟ :Bg-030:
لا قول
Sound waves has definite properties
عشان ودنك تتعود على سماع الانجليزى وفى نفس الوقت حاول تكتب عشان ايدك تتعود على الانجليزى ..


كتابة المحاضرات


الكتابة فى المحاضرة على طريقتين :
اولا : الطريقة بتاعت كله :3rbloadiz_3:
يعنى كشكول كبير لكل المواد ولا اجندة واكتب فيها كل حاجة , طبعا دى طريقة فاشلة بكل المقاييس , وعن تجربة شخصية ما تحاولش تعمل النظام ده ,,,, هتقولى الاجندة متقسمة للمواد ومش عارف ايه ؟؟؟؟ طب ولو ضاعت الاجندة ولا الكشكول ده يا ناصح هتعمل ايه ؟؟؟؟؟؟

الطريقة التانية :
طريقة كشكول لكل مادة :
ودى طريقة ممتازة ومتجربة كويس وثبت نجاحها برضه مع ناس كتير , ومش هتكلفك كتير يعنى , ممكن كشكول سلك من ابو 4 او 6 جنيه وتعمله لكل مادة وتاخد الكشاكيل بتاعت المواد اللى عليك فى كل يوم , معلش هيا تعب شوية بس هتريحك كتير وانت بتذاكر ...


ملاحظات سريعة على المحاضرات


طبعا ما تعملش ناصح لما تروح وتقول انا هاقعد ابيض فى المحاضرة وتضيع كل الوقت فى التبييض , بدل ما تذاكر ....لا .... تبييض المحاضرات دى فكرة فاشلة ومش بتنفع مع كل الناس , انت ذاكر عادى من اللى انت بتكتبه ولما يكون فى عندك شيت (Quiz) بيض المحاضرات اللى انت اصلا مذاكرها قبل كده ...


رجاء رجاء رجاء ,,,, اكتب التاريخ بتاع كل محاضرة فى الصفحة من فوق ومش تكتب وخلاص ,,, عشان لما تيجى تذاكر بعد كده وتكون محاضرة فاتتك ولا حاجة تبقى عارف هيا انى محاضرة وكانت فى انى يوم وتقدر تجبها بكل سهولة وده برضه هيساعدك جدا وانت بتذاكر وهيسهل عليك موضوع المذاكرة شوية ,,, من الاخر نظام العشوائية بتاع ثانوى لازم تنساه للابد وحاول تبقى اكثر تنظيما ولازم تعتمد على نفسك ,,, عشان دى قضية مفروغ منها فى الجامعة ..

يعنى مفيش مدرس زى ثانوى كده هييجى يجبلك المحاضرة عشان تذاكرها ويلخصها لك ,,, لا ,,, انت اللى هاتعتمد على نفسك ولازم تبقى اد المسئولية عشان ربنا يكرمك فى الكلية دى وتتخرج منها على خير وبتقدير كمان ان شاء الله وماتنساش اخوك كاسبر فى كانز بيبيسى :3rbloadiz_3:

Mr. Osama
9th September 2009, 04:58 AM
هنذاكر منين


هنذاكر منين ؟؟؟؟؟؟؟؟؟؟؟ طبعا ده سؤال تقليدى هيخطر فى بالك مع بداية الدراسة واجابته سهلة جدا فى تلت نقط على الترتيب ( الترتيب بالنسبة للاهمية)
1-المحاضرة
2-كلام الدكتور
3-الكتاب اللى الدكتور منزله او القسم

هاقولك تانى وتالت وعاشر .... اكتب كل كلمة بيقولها الدكتور فى المحاضرة يعنى لو الدكتور قال نكتة فى المحاضرة اكتبها برضه :Bg-013: .... شوف لدرجة ايه الموضوع مهم جدا ومش سهل زى ما انت متخيل عشان الدكتور بيبقى فاكر كل حرف قاله فى المحاضرة وانت معرض انك تتسأل فيه فى الامتحان ...

عشان كده اكتب كل حاجة ولو حسيت ان في حاجة نقصاك شوف زمايلك اللى كانوا حاضرين المحاضرة واتاكد انك كتبت كل كلمة فى المحاضرة ....

نيجى بقى للكتاب ( لو كان في كتاب عشان فى مواد ملهاش كتب ) بالنسبة للكتاب , انت هتذاكر منه اللى هايشرحه الدكتور وبس الا اذا لو الدكتور قالك كل اللى فى الكتاب عليك , ساعتها مش هيبقى فى ادامك غير انك تذاكر الكتاب كله ... بس لازم تتأكد من الموضوع ده من الدكتور .

ركز برضه كويس مع الدكتور وهوا بيشرح ,, عشان ساعات كتير الدكتور بيبقى متعمد يخرج بره الكتاب ويشرح حاجات من عنده وعلى فكرة بيجيبها فى الامتحان عشان طبعا يعرف مين اللى كان بيحضر ومين اللى بينفض ..

فحكاية خروج الدكتور عن الكتاب ده شئ طبيعى جدا فى الجامعة كلها وبيحصل فى كل الكليات مش علوم بس ...



احذر
:Bg-030:



(بالنسبة لعلوم القاهرة)
احذر انك تجيب اى ورق من بره , لا شرح ولا كلام من ده
,,,, طبعا انت لما هتروح الجامعة هتسمع عن الحرية والخواجة وستار ميكر والحوارات دى ,,, ما تحاولش باى طريقة انك تجيب ورق دروس من هناك عشان صدقنى هتوه فى الدراسة وهتبقى مشتت بين الورق ده وبين كلام الكتور .... ماتجيبش غير لو فيه ورق الدكتور اللى بيشرحلك

هوا اللى منزله و اداه لواحد فيكوا عشان يحطه فى المكتبة غير كده ما تجيبش اى ورق خالص , او مثلا محاضرات للدكتور برضه ( مكتوبة كويس) انما ورق دروس وكلام فارغ من ده لا ........ والف لااااااااااااااااااااااااا

واحد زميلك يعمل عليك ناصح ويقولك ده فيه ورق حلو فى الحرية تعالى نجيبه , قوله لا يا عم انا هذاكر من المحاضرة وخلاص وخليك انت فى الورق بتاعك ولعلمك يعنى اللى بيكتب الورق ده معيد يعنى لا دكتور ولا حاجة
طالب زيه زيك بس لسه متخرج بقاله تلت اربع سنين وعينوه معيد ,,,,,

وعلى فكرة المعيدين دول برضه فى الكلية لو رحت سالتهم مش هيتأخروا عنك فى اى حاجة ,,, عامة انت لو سألت الدكتور يبقى احسن طبعا بس الدكتور ساعات كتير مش هتلاقيه فممكن تسأل المعيد اللى بيشرحلك فى السكشن على اى حاجة انت مش فاهمها


فقرة اعلانية
انتظرونا بعد الفاصل
:3rbloadiz_3:

????
9th September 2009, 11:28 AM
كلام كله جميل والله ومفيد جدا جدا جدا وبجد الف شكر ع المجهود الرااااائع اللى حضرتك بتبذلهimages/smilies/f.gif ومنتظرين الحاجات الجميلة اللى جاية ف السكة يا رب توصل بالسلامة:Bg-021:
وربنا يوفق الجميع يا رب:Bg-041:

Mr. Osama
9th September 2009, 02:10 PM
ومنتظرين الحاجات الجميلة اللى جاية ف السكة
ان شاء الله يا روأة
وبالتوفيق فى الكلية
:3rbloadiz_3:

????
14th September 2009, 06:25 AM
فقرة اعلانية
انتظرونا بعد الفاصل

يااااااااه الفاصل ده طول اوى
شكلنا كده هنبدأ الدراسة و لسه معرفناش اللى بعد الفاصل:Bg-044:

Mr. Osama
14th September 2009, 06:29 AM
فقرة اعلانية
انتظرونا بعد الفاصل

يااااااااه الفاصل ده طول اوى
شكلنا كده هنبدأ الدراسة و لسه معرفناش اللى بعد الفاصل:Bg-044:


معلش يا روأة
اصلى مش فاكر ايه اللى كنا واقفين عنده قبل الفاصل
:Bg-038:

Mr. Osama
16th September 2009, 04:20 AM
المواد الاساسية لطالب سنة أولى
عدنا بعد الفاصل
:Bg-035:


زى ما قلنا قبل كده ان فى مواد اساسية لازم كل طلبة اولى ياخدوها وهما غالبا ( الكيمياء-الفيزياء-الرياضيات) باقى المواد بتختلف حسب كل طالب بيختار ايه من المواد الاختيارية بتاعت اولى .


الكيمياء
هتدرس فى الكيمياء باذن الله فى سنة اولى ما يلى
كيمياء عضوية - كيمياء عامة - كيمياء فيزيائية - كيميا تحليلية .

العضوية
بالنسبة للعضوية بتاعت سنة اولى , فغالبا الكورس بتاع الترم الاول بيبقى كورس (Nomenclature) وده مختص بتسمية اى مركب فى الكيمياء العضوية يعنى هتعرف ازاى تسمى الالكانات والاليكنات والالكاينات والبنزين وعائلته والاحماض والكحولات والالدهيدات والكيتونات والايثر ..

(( طبعا كله بالانجليزى ))
:3rbloadiz_3:


مش عاوز اقولك ان الكورس ده فى غاية الاهمية وانصحك تفهمه كويس جدا جدا ,,,, عشان اساس فهم الكيميا العضوية انك تكون بتعرف تسمى المركبات اصلا ....

وهتدرس فيه اسماء المركبات على النحو الاتى
(Common Names) مركبات لها اسماء مشهورة ودى هتحفظها يعنى هتحفظها (( قضية مفروغ منها )) .
(IUPAC Names) نظام الايوباك لتسمية اى مركب



التحليلية

بالنسبة للكيميا التحليلية غالبا هيبقى كورس عملى اللى هوا كمى (quantitative) وده مش هتاخدوا فى سنة اولى وفيه النوع التانى اللى هوا (Qualitative) اللى تقدر منه تحدد نوع الملح ,,, اللى هتاخدوا فى سنة اولى اللى هوا النوع التانى وهتاخد الكشف عن الشق الحاضمى والشق القاعدى فى الملح يعنى مثلا لما يكون ادامى مثلا (Na2CO3) اللى هوا صوديوم كربونات .... ازاى اقدر اعرف مكونات هذا الملح .

كيمياء فيزيائية
بالنسبة للكيمياء الفيزيائية فهتاخد فيها حاجات جديدة جدا بس لعلمك المادة دى ,,, الرغى فيها قليل واغلبها مسائل وقوانين ... القانون العام للغازات وقانون دالتون وحاجات كده ...

كيمياء عامة
بالنسبة للكيمياء العامة (General Chemistry) فهتاخد فيها مقدمة سريعة عن الذرة والطاقة والكم والنظريات اللى بتفسر الذرة والكورس ده بيعتبر مقدمة لحاجات كتير بس هوا مجرد مقدمة ( من الاخر عناوين سريعة)

... أساسا عشان تعرف يعنى كل مواد سنة اولى ما هيا الى مقدمات للسنين اللى بعد كده .




نخرج لفاصل
:Bg-019:

Mr. Osama
16th September 2009, 06:26 PM
رياضيات سنة اولى



ورجعنا بسرعة بعد الفاصل
:Bg-033:


نيجى بقى للرياضيات , والرياضيات فى سنة اولى اللى هيا اجبارى ( مليش دعوة بالمواد الاختيارية التانية زى الجبر والميكانيكا ) .

بتبقى تفاضل وتكامل ,,, يعنى فى الترم الاول بتدرس اشتقاق الدوال والاتصال وبعض النظريات اللى بتتكلم عن الاشتقاق بالاضافة طبعا الى الهندسة ( اللى انا مش فاكر كانت بتتكلم عن ايه :3rbloadiz_3:) .

الترم التانى هتدرس باذن الله التكامل وشوية هندسة , بالنسبة للتكامل هتدرس ( تكمل محدد وتكامل غير محدد وتطبيقات الاشتقاق فى التكامل ) بالنسة للهندسة هتدرس معادلات الخط المستقيم والاحداثيات القطبية والكارتيزية والقطاعت زى القطع المكافئ والقطع الزائد والقطع الناقص ...

طبعا ده المنهج اللى فى جامعة القاهرة ممكن يكون فيه اختلافات بسيطة حسب الجامعة يعنى ...

بس ياريت نخلى بالنا من الرياضة بتاعت سنة اولى عشان مهمة جدا وصعبة فى نفس الوقت (( انا مش بخوفك )) ..
بس عاوزك تاخد بالك عشان للاسف الشديد ناس كتير فى اولى مش بيعدوا من رياضة :3rbloadiz_3:..

بس ان شاء الله ذاكر كويس وحل شيتات وركز فى المحاضرة كويس مع الدكتور وربنا هيكرمك ان الله وما تنساش لما تنجح فيها تبعت لى الحاجة الحلوة


:Bg-012:


نروح لفاصل
ونررررررررررررررررررررررجع مرة تانية
:3rbloadiz_3:

Mr. Osama
16th September 2009, 08:36 PM
فيزياء سنة أولى

ورجعنا بعد الفاصل


نيجى بقى للفيزياء بتاعت سنة اولى وهي كالتاتى :3rbloadiz_3:
- waves مقدمة سريعة عن الموجات وانواعها والتردد والطول الموجى وبرضه هتاخد موجات الصوت وخصائصها وحاجات تانية كده مش فاكرها بصراحة :Bg-042: .

- Properties of Matter وده يعتبر الى حد ما كورس جديد عليك عشان هتاخد فيه تقريبا خواص المادة عموما يعنى المرونة والكثافة والكتلة وحاجات كده .

- Electricity وهتاخد فيها قانون كولوم وقانون جاوس ومقدمة عن الكهريبة وهتاخد برضه المتجهات وحاجات كده بس المادة دى عاوزة شوية تفتحيح مخ :3rbloadiz_3:.

دول الترم الاول على حد علمى , اما الترم التانى هتاخد تلت كورسات مختلفين عن الترم الاول على ما اظن وهم

- Modern Physics وهتاخد فيها الاشعاع وشوية كوانتم وبرضه الظاهرة الكهروضوئية والمكرسكوب الاكترونى ,,, من الاخر فيزياء ال100 سنة اللى فاتوا .

- Magnetism مقدمة عن المغناطيسية وخطوط الفيض والفيض المغناطيسى ,,, بس عامة الكهربية بتاعت الترم الاول والمغناطيسية بتاعت الترم التانى كلهم مسائل .

- Thermodynamics هتاخد القانون الاول والقانون التانى شوية حاجات كده هتاخدم برضه فى كورس ال Physical Chemistry .



زى ما قلتلك قبل وكده وهاقولك تانى ,, دى الكورسات بتاعت جامعة القاهرة قد يحدث اختلاف فى ترتيب مواد فى ترم معين او اختلاف اسم الكورس بس عامة الكلام ثابت والمقررات شبه ثابتة فى كليات العلوم فى مصر ما تقلقش يعنى الاختلاف بين الجامعات بيبقى فى حاجات بسيطة



:Bg-012:

Mr. Osama
16th September 2009, 09:02 PM
معمل الكيمياء



زى ما قلنا قبل كده على معمل الكيمياء , بغض النظر عن كونه معمل عضوية او تحليلة فانت محتاج ما يلى
- بالطو
- تست تيوبس (Test tubes) على ما اعتقد الواحدة بنص جنيه نصيحتى ليك هات لك ستة ولا حاجة .
- حامل للادوات ( عشان تحط فيه الانابيب)
- فوطة صفرا ( عشان تنضف البينج وانت بتشتغل)
- بيكر صغنون (Beaker) ممكن اللى هوا 200 مللى

تقريبا دول الادوات الاساسية اللى هتساعدك اثناء الشغل , على فكرة برضه المفروض تستلم ادوات من المعمل بس عشان انت لسه سنة اولى فهما هيشتغلوك شوية :Bg-042:.

هاقولك تانى وتالت البالطو فى معمل الكيميا شئ مقدس جدا , ما تفكرش تنسى البالطو خااااااااااااااالص , يعنى انسى نفسك وما تنساش البلطو :3rbloadiz_3:.

برضه مش عاوز انبهك ان معمل الكيميا مافيهوش هزار خالص عشان انت بتتعمل مع مواد ضارة ده لو معمل تحليلية , اما بقى يا حلو لو معمل عضوية فالمواد اللى هتشتغل بيها بتبقى تلاتة فى واحد ( برت بلاس ) :3rbloadiz_3:
مسرطنة Carcinogenic
شديدة الاشتعال Flammable
شديدة السمية Very Toxic

فحاول تشتغل كويس واتعامل بحذر شديد مع المواد وطبعا اياك تدوق او تشم اى مادة او تشم اى ابخرة خالص , وحاول انك تشتغل فى مجموعات (Groups) برضه ما تقلش المعيد اللى واقف عليك هينظمكوا فى المعمل ويخليكوا تشتغلوا كل اتنين مثلا او كل تلاتة (( مش عشان حبا فى فريق العمل ولكن عشان الادوات والمواد اللى موجودة مش كفاية :3rbloadiz_3:)) .


انتظرونا بعد الفاصل

:Bg-035:

?????
16th September 2009, 10:22 PM
انا عايز اعرف معلومات عن كلية علوم عين شمس لو سمحتوة

Mr. Osama
16th September 2009, 10:28 PM
اهلا بيك معانا يا ماندو
:Bg-039:

انا عايز اعرف معلومات عن كلية علوم عين شمس
اوك ماشى
:3rbloadiz_3:

ndosh
18th September 2009, 09:53 AM
بس معلش سؤال الفيزياء بتكون موجوده في سنة تانية ولا بس في اولى لاني بيني وبين الفيزياء مشاكل:Bg-010:



وشكرا على الموضوع الجميل SugarwareZ-220.gif

ndosh
18th September 2009, 10:00 AM
وانا بنت شكلي هسجل باسم تاني :Bg-003:

لاني سجلت وانا نعسانة :qqb023:

Mr. Osama
18th September 2009, 04:11 PM
بس معلش سؤال الفيزياء بتكون موجوده في سنة تانية ولا بس في اولى لاني بيني وبين الفيزياء مشاكل:Bg-010:
اولا اهلا بحضرتك معانا ,فى طرق العلوم :Bg-039:
نيجى بقى للفيزياء ... ده هيتوقف على التخصص اللى هتكملى فيه بعد كده يعنى لو هتكملى فى (كيمياء فيزياء) او (فيزياء منفرد) فشئ طبيعى هتاخدى الفيزياء ,,,
اما اى تخصص تانى زى بيولوجى او جيولوجيا ف مش هيبقى فيه فيزياء
وشكرا على الموضوع الجميل SugarwareZ-220.gif



وانا بنت شكلي هسجل باسم تاني :Bg-003:
لاني سجلت وانا نعسانة :qqb023:
كان ممكن حضرتك تبلغينا
وكان حصل تعديل للبيانات
:3rbloadiz_3:

ومستنيين نتعرف بحضرتك أكتر
SugarwareZ-220.gif

ndoosh
18th September 2009, 05:26 PM
شكرا ليك يلا تاهت عن بالي :qqb023: بس مش مشكلة ده نفس الاسم بس الزياده حرف ال o:Bg-011:




ع العموم شكرا ليك images/smilies/f.gif

Mr. Osama
25th September 2009, 03:18 AM
مبانى علوم القاهرة


ورجعنا معاكم بعد الفاصل , وقلت يا واد يا كاسبر يا مكسبر :3rbloadiz_3:مفيش غير ان هما يشوفوا شكل الكلية ( ما تشوفوش حاجة وحشة يا رب) .






http://science.cu.edu.eg/arabic_interface/bag.jpg

دى صورة قسم الرياضيات
اللى هوا يعتبر القسم الرئيسى


فوق فى الدور التانى فيه الخزنة ومكتب العميد على ما اتذكر يعنى :Bg-042:. وكام سكشن كده تبع اللى بياخدوا رياضة بالاضافة الى مكتبة قسم الرياضيات برضه , وفى الدور التالت فيه برضه مدرج رقم (10) وده مدرج مشهور جدا ولازم تاخدوا فيه محاضرات رياضة فى سنة اولى .

نخرج بقى من قسم الرياضيات دلوقتى انت واقف ومش باصص على لقسم الرياضة, على يمينه هتلاقى قسم الكيمياء وهتلاقى قسم الكيميا الحيوية وراه بالظبط من الناحية التانية .

لو فضلت مكمل مشي جنب قسم الكيميا هتلاقى مدرج مشرفة واللى بيعتبر اشهر مدرج فى علوم القاهرة وليه برضه رقم (1) ولو فضلت ماشى على طول فى نفس الاتجاه هتلاقى برضه قسم الفيزياء وفى نفس الطريق ده هتلاقى قسم الجيولوجيا ادام شوية .


لو انت واقف وقسم الرياضة اللى فى الصورة دى وراك , بص شمالك هتلاقى قسم النبات اللى وراه قسم الحيوان على طول ولو فضلت ماشى جنب قسم النبات ناحية اقتصاد علوم وسياسية هتلاقى مدرج والى وده برضه من المدرجات المعروفة فى الكلية وليه رقم (2) .

يعنى انت كده تقريبا عرفت شوية حاجات عن الكلية والمدرجات بس طبعا لسه فيه حاجات تانية , ممكن نقولها بعدين ان شاء الله , ولو معرفتش مكان اى مدرج اسال واحد واتنين وتلاتة مفيش مشكلة خالص , لما تسال احسن ما تلاقى نفسك فى العيوطى بتاع تجارة :3rbloadiz_3:.


فقرة اعلانية
:Bg-021:

the black rose
25th September 2009, 10:36 PM
تمام يا كاسبر
مجهود جامد بجد
يسلم كيبوردك :Bg-011:
متابعة معاك ان شاء الله
بس بقولك
انت بتقول منعملش كشكول واحد لكل المواد
طب ماهو احنا ممكن نعمل كشكول اللى هو بفواصل ده
و بعدين التبيض مش وحش يعنى :3rbloadiz_3:

Mr. Osama
26th September 2009, 12:22 AM
تمام يا كاسبر
مجهود جامد بجد
ميرسى :bg-022:
يسلم كيبوردك :bg-011:
فعلا الكيبورد اللى عندى لسه جديدة
عرفتى منين ؟
:3rbloadiz_3:
متابعة معاك ان شاء الله
بس بقولك
انت بتقول منعملش كشكول واحد لكل المواد
طب ماهو احنا ممكن نعمل كشكول اللى هو بفواصل ده
و بعدين التبيض مش وحش يعنى :3rbloadiz_3:



لو انتى قصدك على كشكول السلك الكبير اللى متقسم من جواه بالوان وفواصل وحوارات ف ده ماشى تمام , هيا الفكرة كلها زى ما قلت قبل كده انى لما اجى اذاكر مش اتلخبط ويبقى عندى كل مادة منفصلة بمحاضراتها لوحديها عشان ده بيسهل المذاكرة جدا .

بالنسبة لتبييض المحاضرات , هوا كويس مش مشكلة , بس بيضيع الوقت شوية برضه هوا مش مشكلة اوى يعنى ممكن تبيضى المحاضرات كل يوم مفيش مشكلة هوا بس عشان ساعات هترجعى من الكلية متأخر فى بعض الايام ف هتبقى صعبة شوية انك تبيضى كل المحاضرات .

بس عادى ممكن وانتى بتكتبى المحاضرات لما تروحى بخط كويس تقرأيهم مرتين ولا حاجة كويس عشان وقت التبييض ميضيعش وقت المذاكرة

Mr. Osama
27th September 2009, 03:06 PM
عدنا سريعا
بعد الفاصل


مش عارف قلتلكوا ولا لأ ؟ بس يلا هاقولكوا وخلاص ... غالبا بعد بداية الدراسة بحوالى خمس او ست اسابيع .. يعنى فى الرانج ده تقريبا هتبدأ امتحانات الميد ترم وبيبقى عليها 10 % أو 20 % من الدرجة على حسب المادة هل هيا ليها عملى ولا ملهاش .

بعد امتحانات الميد ترم بحوالى اسبوعين تلاتة تيجى امتحانات العملى ودى بيكون عليها 30 % من الدرجة وطبعا مش كل المواد ليها عملى بس تقدر تقول ان معظم المواد فى الكلية ليها عملى .

بعد العملى بكام اسبوع يدخل امتحانات الفينال ....
تقريبا قلتلكوا الكلام ده قبل كده :Bg-035: بس الجديد اللى هاقوله انك لازم تخلى بالك من الدرجات اللى بتتبخر (علوم بقى) فى امتحانات الميد ترم والعملى عشان بكل بساطة درجات العملى والميد ترم هما اللى هيظبوا التقدير معاك جدا
مش عاوز اقولك ان الميد ترم والعملى مهمين يمكن اكتر من الفينال عشان للاسف بيضيع فيهم درجات بالهبل .

طبعا غير الدرجات اللى بتضيع فى الشيتات والكويزات فى السكاشن والمحاضرات ( والشييت عبارة عن امتحان صغنون مدته بتبقى عشر دقايق او ربع ساعة وممكن نص ساعة لو الدكتور عاوز ) .... وما أكثر الشيتات فى كلية علوم مش عاوز اقولك ان الشيتات فى كلية علوم زى السمك فى محلات السمك :3rbloadiz_3:بس عادى هيا مش وحشة على اد ما هيا مفيدة عشان بتخليك تذاكر كويس وتكون مستعد فى اى وقت وهيا برضه سلاح ذو حدين :Bg-019:يعنى ممكن تجمع بيها درجات كويسة تساعدك مع الميد ترم وتظبط معاك التقدير او تجيب درجات وحشة فيها فتخسف لك التقدير .

عامة برضه ما تحاولش تستهون فى اى درجة ولا حتى نص درجة ما تعملش زيي :3rbloadiz_2:.. خليك حريص وناصح على كل درجة عشان تجيب تقدير حلو .




فاصل ونواصل
انتظرونا مع
علوووووووووووووووم شو
مش هتقدر تغير الكلية
:Bg-021:

Mr. Osama
27th September 2009, 03:21 PM
احذر من هؤلاء
:Bg-030:


مش عارف اقول عليهم ايه ؟ :qqb021: اقول منافقين ولا اقول ساذجين ولا ايه بالظبط .... مش قادر احدد هما من انى طائفة بس هما موجودين فى الجامعة كلها ..

ييجيلك قبل امتحان الميد ترم ويقولك انا ضايع وماذكرتش امبارح وتلاقيه جايب 19 من 20 وييجى مع شيتات المحاضرة يقولك انا ما حلتش حاجة خالص وتلاقيه جايب فى الشيتات 20 من 20 , اما بقى عند الفينال يقولك هانعمل ايه فى المادة دى .... دى مادة صعبة _______:3rbloadiz_3:
ويقولك انا كده كده مش عاوز غير مقبول وخلاص ربنا يستر بقى عشان انا خايف جدا ,,,,,, والنتيجة النهائية تلاقيه جايب 93 من 100 ولا حاجة يعنى امتياز وش :Bg-003: ......

وهكذا مع كل المواد .... الناس دول كتير على فكرة وكتير جدا كمان وانا نفسى اعرف منهم كتير عندنا فى الكلية عينات منهم كتير برضه :Bg-010:.

كل اللى عاوزه منك انك تخلى بالك من الناس دول وتحاول تتجنبهم عشان دول عمرهم ما هيكونوا اصحابك فعلا عشان بالطريقة دى هوا هيفضل كده على طول والمصيبة ان الناس كلها بتشوف درجته وبتبقى عارفة هوا جاب كام وعمل ايه والمصيبة الاكتر لما تقابله وتسأله عملت ايه فى النتيجة يا فلان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يقولك : الحمد لله عديت ... على اساس انه عدى بارليف يعنى ... :Bg-042: وتلاقيه جايب امتياز توتال طبعا حتى لو هوا بيخاف من الحسد ف ده مش معناه ان هوا يكذب ويدعى الفشل كل يوم عشان ما نحسدوش .

خلاصة الكلام .... ما تحاولش تتعامل معاهم كتير واسمع منه باليمين وطلع الكلام بالشمال .


فقرة اعلانية
SugarwareZ-220.gif

the black rose
27th September 2009, 05:19 PM
ثانكس كاسبر
العينة دى كانت موجودة ف الثانوية برده :3rbloadiz_3:
انا عايزة اعرف اماكن المعامل
تحديدا
معمل 213
و معمل الفزيا
و معمل كميا 4

Mr. Osama
27th September 2009, 05:26 PM
ثانكس كاسبر
:qqb023:
العينة دى كانت موجودة ف الثانوية برده :3rbloadiz_3:
اكيد اصل دول عاملين زى فليت
بينتشروا فى كل حتة
:Bg-021:
انا عايزة اعرف اماكن المعامل
تحديدا
معمل 213
معمل 213 بتاع الجيولوجيا موجود فى الدور التالت قسم الجيولوجيا
يعنى ( الارضى - التانى - التالت)
و معمل الفزيا
معمل الفيزيا بتاع سنة اولى موجود فى الدور التانى
اول ما تدخلى القسم هتطلعى حوالى 10 سلمات فى اخر الدور هتلاقى المعمل
و معمل كميا 4
شوية كده ,,, هفتكر واقولك
:Bg-032:




:Bg-022:

the black rose
27th September 2009, 05:38 PM
:Bg-022:



ميغسى :3rbloadiz_3:
ايام ويتنج :Bg-021:

ndoosh
27th September 2009, 10:33 PM
شكرا لحضرتك

الناس دول فعلا كلامهم بيخلي الواحد يسترخي وهما مقطعين الكتب من المذاكرة :3rbloadiz_3:

ربنا يستر :3rbloadiz_2:

شكرا ليكSugarwareZ-220.gif

Mr. Osama
27th September 2009, 10:36 PM
شكرا لحضرتك

الناس دول فعلا كلامهم بيخلي الواحد يسترخي وهما مقطعين الكتب من المذاكرة :3rbloadiz_3:

ربنا يستر :3rbloadiz_2:

شكرا ليكSugarwareZ-220.gif



فعلا يا ندوووووووووووش والله
ده انا موعود بتلاتة اربعة بشوفهم على طول فى الجامعة
ويوم الفينال ييجى قبل الامتحان يفضل يقولى انا ضايع
ومش عارف اعمل ايه
جايب لغاية دلوقتى جيد جدا توتال
ربنا يهديه بقى
ويبطل يشتغلنا
:3rbloadiz_3:

ndoosh
27th September 2009, 10:43 PM
هههههه

ربنا يعين حضرتك بجد حاول تبعد عنو قدر الامكان

?????
27th September 2009, 11:08 PM
شكرا اوى
المحاضرات دى لسنة اولى

Mr. Osama
27th September 2009, 11:11 PM
شكرا اوى
العفو يا دكتور SugarwareZ-220.gif
المحاضرات دى لسنة اولى
قصد حضرتك على المحاضرات اللى فى التوقيع :qqb010:

?????
27th September 2009, 11:25 PM
نعم اقصدها

Mr. Osama
28th September 2009, 12:00 AM
نعم اقصدها


هيا المحاضرات اللى فى التوقيع دى عبارة عن ميكس لكل السنين وكل التخصصات بس وعد باذن الله هاعمل لحضرتك موضوع فيه اللينكات الخاصة بالمحاضرات اللى هيا تبع سنة اولى
SugarwareZ-220.gif



واضح انك نسيت تعرفنا باسمك
:3rbloadiz_3:

?????
28th September 2009, 12:13 AM
هى محاضرات الجامعات الاخرى تنفعنا:Bg-041::Bg-041:

?????
28th September 2009, 12:47 AM
هو احنا ممكن نحط محاضرات العملى قبل النظرى فى الجدول
ومناهج العملى بتختلف عن النظرى ؟

Mr. Osama
28th September 2009, 12:51 AM
هى محاضرات الجامعات الاخرى تنفعنا:Bg-041::Bg-041:

طبعا وخصوصا مع كلية زى كلية علوم
لان اغلب المناهج اللى الدكاترة بيعملوها فى كل كليات العالم بتبقى من مراجع
علمية معروفة وموثوق فيها ومعتمدة كمان ...

لدرجة ان ساعات الواحد بيفرح جدا لما يلاقى كورسات من جامعات فى امريكا
او اوروبا عشان اغلب المناهج اللى بتدرس عندنا فى علوم القاهرة بتبقى ماشية
مع العالم الخارجى وتكاد تكون هيا بالظبط اللى بتدرس بره
مع اختلاف الكم طبعا ...

طب ده ساعات بيطلع عندنا احنا مناهج اصعب
من كليات العلوم اللى موجودة فى جامعات فى امريكا
:3rbloadiz_3:

ده طبعا عشان هما بيركزا على الكيف ( الفهم يعنى )
انما احنا بنركز على الكم ( الحفظ والكمية يعنى )

:3rbloadiz_2:

Mr. Osama
28th September 2009, 01:01 AM
هو احنا ممكن نحط محاضرات العملى قبل النظرى فى الجدول
ومناهج العملى بتختلف عن النظرى ؟

بالنسبة لحكاية مواعيد العملى قبل النظرى فده لا يفضل مطلقا :Bg-030: , عشان الواحد اخر النهار بيوصل لمرحلة انه بينام فى المحاضرات :3rbloadiz_3:,,, المفروض تبقى المحاضرات ب النهار عشان الواحد يكون فايق شوية اما فى السكاشن ف اخر النهار احسن عشان مش بنفضل قاعدين وبنتحرك فى السكشن عادى , بس اكيد انت سجلت الجدول وخلاص عادى بقى مش مشكلة يعنى

بالنسبة للعملى هل هو مختلف عن النظرى ولا لأ ؟؟؟
لا طبعا العلمى والنظري بيكملوا بعض ....
يعنى مثلا عملى الكيميا العضوية بيبقى تطبيق على اللى درستوه فى المحاضرة يعنى ازاى تتعرف على الكحولات والالدهيدات وازاى تفرق بينهم بس بالتجارب العملية .

بالنسبة لعملى الفيزيا والرياضة ف ما هو الا حل مسائل وبس يعنى مثلا لما تاخدوا قوانين التكامل فى الرياضة فى المحاضرة ف الدكتور هيشرح القانون ويحل مسألة او اتنين بالكتير اما فى السكشن مع المعيد فهتحلوا مسائل بالهبل لغاية ما تزهقوا :3rbloadiz_3:ونفس القصة مع الفيزياء .


بالنسبة لعملى الجيولوجيا .... مختلف سنة صغنونة عن النظرى بس برضه تطبيق على النظرى يعنى مثلا هتتعلموا ازاى تتعرفوا على الخرائط الجيولوجية وازاى تتعرفوا على المعادن والصخور وازاى توصفوها ....

وهكذااااااااااااااااااااااااااااااااا

يعنى الدكتور يشرح فى المحاضرة
المعيد يطبق الكلام بتاع الدكتور فى السكشن على هيئة مسائل او تجارب ................

Mr. Osama
29th September 2009, 05:44 PM
عدنا معكم بعد الفاصل
:Bg-035:


بالنسبة لشرح الدكتور فى المحاضرة وده مش عندنا فى الكلية وبس ,,, ده تقريبا سيستم متبع فى الجامعة عموما .

انا عن نفسى بقسم شرح الدكاترة لكذا نوع :
النوع الاول : بيفضل يتكلم فى المحاضرة كتير وبيكتب نقط قليلة جدا على السبورة والنوع ده من الدكاترة لازم تكتب وراه كل حاجة بيقولها علشان هيسألك فى كل كلمة قالها فى المحاضرة والنقط الصغننة اللى بيكتبها هيا مجرد نقط بسيطة عشان يعرفك المحاضرة ماشية ازاى ..

النوع التانى : برضه بيتكلم فى المحاضرة كتير وبرضه بيكتب نقط قليلة على السبورة بس بيكون معاه برسنتاشن عليه اغلب النقط اللى بيشرح منها المنهج ,,, طبعا نصيحتى ليك حاول تاخد البرسناتشنات دى على فلاشة ولا حاجة لو الدكتور وافق طبعا ,,, بس ما تفتكرش ان الامتحان هييجى منها ( تبقى ذكى لو افتكرت كده ) لا طبعا الفكرة كلها ان البرسنتاشن ده الدكتور بيبقى كاتب فيه اغلب النقط اللى هيشرحها فى المحاضرة عشان مش ينسى اى حاجة وغالبا بيفتكر حاجات تانية وسط الشرح ومش بتكون موجودة جوه البرسنتاشن :3rbloadiz_3:.

النوع التالت :مش بيحب يتعامل مع الكمبيوتر فى المحاضرة بس مش معنى كده انه ملوش فى الكمبيوتر ,,, بس هيا الفكرة انه بيبقى مهتم بالسبورة اوى وبيكتب كل حاجة على السبورة صغيرة او كبيرة ... والمحاضرات بتاعته لو ذاكرت منها بس هتجيب امتياز بدون تعب .

النوع الرابع :بيستعمل الداتا شو فى الشرح بالاضافة الى السبورة بالاضافة الى الكتاب اللى هوا منزله ده طبعا غير الحاجات اللى بيشرحها من بره الكتاب وده ركز معاه جدا
:Bg-032:

النوع الخامس :بيكتب قليل وبيتكلم قليل وبيعتمد فى غالبية شرحه على المراجع يعنى هايقولك انا بشرح من المرجع الفلانى والمرجع العلانى ,,, بس غالبا عشان انت لسه سنة اولى ف مش هيحصل معاك ... انما لما تقدم شوية فى الكلية هيحصل معاك كده ولابد ,,,, وفى الحالة دى انت مضطر آسفا انك تطلع المكتبة وتدور فى المراجع اللى قالك عليها وتلخص منها حاجات وتصور منها كمان صفحات معينة و ممكن تسأل الدكتور على الصفحات دي ... بس صدقنى بيجيب حاجات فى الامتحان من المراجع دي عشان يعرف مين اللى بيطلع المكتبة ومين اللى بينفض ......

عامة هاقولك برضه
التميز فى كليتنا اربع حاجات
1- توفيق من ربنا ( ده الاساس فى كل شئ )
2- مذاكرة كويس ( يعنى متأجلش المحاضرات )
3- دكتور بيعلمك صح ( دكتور ممتاز = تقدير ممتاز )
4- mark collecting ( ما تحاولش تضيع اى درجات خالص لا ف شيت ولا فى ميد ترم ولا فى الفينال )



واتمنى لك النجاح
والمزيد من التفوق دائما

images/smilies/f.gif

KasPar

Noosh
29th September 2009, 06:54 PM
امممممممم

طيب ازاي اكتب ورى الدكتور ..
يعني مش هلحق اكيد ..

وبعدين ازاي هدرس من إلي كتبته .. مش يمكن في حاجات مهمة انا مش كتبتها ؟؟

طيب والمراجع الي المفروض نروح ندور عليها .. ازاي هندرس منها .. يعني ده هيكون كبير اوي ..

ازاي احدد المفروض اركز على ايه ..

,,,,,,,,

معلش يا كاسبر بنتعبك معانا

the black rose
29th September 2009, 07:21 PM
هو احنا بنكتب حاجة ف المعامل ؟ :3rbloadiz_3:

Mr. Osama
29th September 2009, 09:04 PM
طيب ازاي اكتب ورى الدكتور ..
يعني مش هلحق اكيد ..
اصل دى قضية منتهية فى الجامعة
هتتعودى عليها مع مرور الوقت
وبالنسبة لدكاترة اولى فهما طيبين
بيراعوا مسألة انكوا يعنى لسه ما اتعودتوش على نظام الجامعة
:3rbloadiz_3:


وبعدين ازاي هدرس من إلي كتبته .. مش يمكن في حاجات مهمة انا مش كتبتها ؟؟
للاسف هوا ده سستم الدراسة فى الجامعة ,,, ولو حاجة فاتتك فى المحاضرة
هتبقى مشكلة فعلا وهتبقى مضطرة تكملى المحاضرة من زمايلك
عشان كل كلمة فى المحاضرة وارد بنسبة 100% انها تيجى فى الامتحان



ازاي احدد المفروض اركز على ايه ..
طبعا المحاضرة كلها مهمة جدا ,,, ويمكن هيا الاساس فى المذاكرة قبل الكتاب وقبل اى حاجة تانية ,,, بس ما تقلقيش الدكتور فى المحاضرة هيقولكوا على الحاجات المهمة والحاجات اللى مش مهمة اوى ,,,,,


معلش يا كاسبر بنتعبك معانا
مفيش اى تعب خالص
:3rbloadiz_3:


هو احنا بنكتب حاجة ف المعامل ؟
للأسف آه
:3rbloadiz_2:
بس بالنسبة ليكى يا شيرين
فالجيولوجيا والجيوفيزياء ,, السكاشن بتاعتهم مفيهاش
كتابة كتير
:Bg-021:

Noosh
30th September 2009, 12:19 AM
ميرسي ليك يا كاسبر ..

ومستنين دفعة نصائح جديدة ..

Tayto
30th September 2009, 03:20 PM
والاهى انت انسان هايل جدا جدا يا كاسبر :36_1_55[1]::36_1_55[1]::36_1_55[1]:
و مواضيعك مفيدة جدا

رغم ان انا خلاص فات عليا الكلام ده
بس انا فعلن كنت محتاجو فى سنة اولى
و رغم انى دخلت على عمايا الا ان انا توكلت على الله
و سبحان الله جبت جيد جدا بتوفيق من ربنا سبحانه و تعالى و دعا الوالدين

بس انا مبسوط ان الموضوع ده اكيد هيفيد الناس الجديدة اللى دخلة السنة دى
مش هطول عليكو
نيجى للمشكلة الاهم ان مش كل الناس تعرف المنتدى ده:3rbloadiz_2:
يا ريت اللى عندو اى فكرة ازاى نحل المشكلة ديه يشاركنا برأيه
علشان انا نفسى محتار :qqb010:

ملحوظتين:1-اسف ان انا طولت عليكو
2-سورى على لغتى العامية اللى انا طول النهار بكتب بيها فى المنتدى

Mr. Osama
1st October 2009, 12:57 AM
والاهى انت انسان هايل جدا جدا يا كاسبر :36_1_55[1]:

ربنا يخليك يا محمود
ده بس من ذوقك

:36_1_55[1]::36_1_55[1]:
و مواضيعك مفيدة جدا
:Bg-022:
رغم ان انا خلاص فات عليا الكلام ده
بس انا فعلن كنت محتاجو فى سنة اولى
قدر الله وما شاء فعل
و رغم انى دخلت على عمايا الا ان انا توكلت على الله
و سبحان الله جبت جيد جدا بتوفيق من ربنا سبحانه و تعالى و دعا الوالدين
الحمد لله SugarwareZ-220.gif

بس انا مبسوط ان الموضوع ده اكيد هيفيد الناس الجديدة اللى دخلة السنة دى
مش هطول عليكو
نيجى للمشكلة الاهم ان مش كل الناس تعرف المنتدى ده:3rbloadiz_2:
انت كده جيت على الجرح :Bg-038:
انا نفسي مش عارف اوصل المنتدى ازاى للناس
بس غالبا مفيش غير طريقتين ملهمش تالت
الاوى : محركات البحث ( ودى مضمونة )
التانية نكلم اصحابنا ( بس انت عارف الولاد بقى لابدين عالفيس) :Bg-042:
بس اكيد اللى هيحس ان المنتدى كويس
هوا من نفسه هيكلم غيره عليه
يا ريت اللى عندو اى فكرة ازاى نحل المشكلة ديه يشاركنا برأيه
علشان انا نفسى محتار :qqb010:
امممممممممممممممم
ياريت اللى عنده اى فكرة يقول عليها

ملحوظتين:1-اسف ان انا طولت عليكو
ما تقولش كده ,,, ما طولتش ولا حاجة
2-سورى على لغتى العامية اللى انا طول النهار بكتب بيها فى المنتدى
طب ما انا بكتب بيها على طول ولا يهمك
ده حتى الموضوع مكتوب بالعامية
:3rbloadiz_3:


:Bg-039:

Noosh
1st October 2009, 01:21 AM
اعتقد لو عايزين ناس اكتر تعرف المنتدى

..

حطوا موضوع في القسم العام ..

واكتبوا فيه تعريف صغير جدا عن المنتدى مع لينك للمنتدى

ويكون مكتوب طلب صغير للاعضاء انهم ينشروا الموضوع الصغير ده لكل إلي عندهم على الماسينجير مثلا .. ويطلبوا من اصحابهم يبعتوها للي عندهم .. وهكذا
........................

اعتقد كده ممكن توصل بسرعة شوية ..

مجرد اقتراح

Tayto
1st October 2009, 10:59 AM
اقتراح جميل يا noosh
بس صدقينى المشكلة مش فى اصحابنا اللى معانا فى الكلية و بس
المشكلة الحقيقية فى الناس اللى داخلة علوم جديد (ازاى نوصلهم اقبل ما يسجلو)
أنا عارف انى بتقل عليكو بس اصل انا منبهر فعلن بالمنتدى الراقى و الهادف ده و زعلت جدا ان انا مقدرتش اوصلو اقبل ما ادخل سنة اولى....... اكيد كنت هستفيد كتير جدا
علشان كدة انا عمال افكر ازاى نلاقى حل للمشكلة ديه

و برضه من الحلول المجدية محركات البحث زى ما استاذ كاسبر وضح
و دى الطريقة اللى انا وصلت بيها المنتدى

انا ملاحظ انك فى سنة اولى لو معندكيش مانع ممكن تقوليلنا وصلتى ازاى

Noosh
1st October 2009, 11:08 AM
اقتراح جميل يا noosh
بس صدقينى المشكلة مش فى اصحابنا اللى معانا فى الكلية و بس
المشكلة الحقيقية فى الناس اللى داخلة علوم جديد (ازاى نوصلهم اقبل ما يسجلو)
أنا عارف انى بتقل عليكو

انا ملاحظ انك فى سنة اولى لو معندكيش مانع ممكن تقوليلنا وصلتى ازاى


لا يا تايتو .. مش بقصد نبعت لاصدقائنا في علوم بس
قصدي نبعت لكل المنضافين عندنا ..
لو مخلصين او لسة مش في كلية او حتى في كليات غير طب بشري وبيطري وصيدلة وعلوم وهندسة ..
إلي هي كليات إلي المنتدى جامعها ..

على فكرة انا عملت كده قبل ما اسجل .. وقلت لهم يقراوا موضوه براف وكاسبر لطلاب سنة اولى .. وهم بقة لو حبوا المنتدى اكيد هيسجلو فيه ..

""""""""""

انا وصلني لينك على الماسنجر لموضوع التطعيم ضد اتش 1 ان 1

قريت اللينك وخدت جولة في المنتدى وعجبني فرحت سجلت

Tayto
1st October 2009, 02:23 PM
تمام يا noosh
يبقى كدة عندنا كمان طريقة كويسة غير محركات البحث

بس انا مدى الطلاب الجدد اهمية اكتر شوية علشان دول اكتر ناس بيستفادوا من خبرة الناس القدام بس عموما انتى معاك حق ان كل الناس لازم تشارك فى المنتدى:Bg-011:

??? ?????
1st October 2009, 02:52 PM
كلية العلوم
من افضل الكليات على مستوى العالم
بس محدش مديها حقها في مصر
زويل -- خريج علوم
و غيره و غيره

Noosh
1st October 2009, 03:24 PM
تمام يا noosh
يبقى كدة عندنا كمان طريقة كويسة غير محركات البحث

بس انا مدى الطلاب الجدد اهمية اكتر شوية علشان دول اكتر ناس بيستفادوا من خبرة الناس القدام بس عموما انتى معاك حق ان كل الناس لازم تشارك فى المنتدى:bg-011:


هو الفكرة بشكل عام اننا نوصلها لاكتر عدد من الناس وهم يبعتوها يمكن توصل لحد في كلية من إلي المنتدى يجمعهم ..

ايه رايك انت تكتب الموضوع في المنتدى العام ..

بس مش تخليه طويل ..

هم ثلاث سطور اكتر حاجة .. عشان احنا ننسخه نبعته للمنضافين عندنا

the black rose
1st October 2009, 08:31 PM
ممكن اكمل رخامة ؟؟
اوك ماشى هكمل :3rbloadiz_3:
اول اسبوع بيبقى فيه سكاشن و معامل ؟

Mr. Osama
1st October 2009, 08:36 PM
ممكن اكمل رخامة ؟؟
ممكن طبعا
:Bg-021:

اوك ماشى هكمل :3rbloadiz_3:
اول اسبوع بيبقى فيه سكاشن و معامل ؟
امممممممممممممم
يعنى بالنسبة لسكاشن الجيولوجيا فيه حاجات هتاخدوها وحاجات لا
بالنسبة للكيميا فاحتمال كبير لأ
بس حتى لو فرضنا جدلا انك هتاخدى سكاشن فى اول اسبوع
ف اكيد مش هيكون فيها شغل
:Bg-019:



:Bg-033:

the black rose
1st October 2009, 08:57 PM
:Bg-033:
[/center]

يوم السبت عندى جولوجيا و فزيا
شوفت معملين ف اول يوم :3rbloadiz_3:

Mr. Osama
1st October 2009, 09:21 PM
يوم السبت عندى جولوجيا و فزيا
شوفت معملين ف اول يوم :3rbloadiz_3:





99.9 %
مش هتاخدوا حاجة
بس احتمال ضعيف جدا ان المعيد يرخم ويشرح
:Bg-028:

reham
2nd October 2009, 08:34 PM
:36_1_55[1]::36_1_55[1]:شكرا على هذا المنتدى الجميل بجد انا لسة دخلة علوم وكنت محتاجة اعرف حاجات كتير عن الكلية

Mr. Osama
2nd October 2009, 09:08 PM
:36_1_55[1]::36_1_55[1]:شكرا على هذا المنتدى الجميل بجد انا لسة دخلة علوم وكنت محتاجة اعرف حاجات كتير عن الكلية


اهلا بيكى يا ريهام معانا
وان شاء الله هتستفيدى كتييييييييييييييير
معانا فى المنتدى
واى خدمة احنا تحت امر حضرتك
images/smilies/f.gif

سمسم
nickname : kasPar
:3rbloadiz_3:

??? ?????
7th October 2009, 01:29 AM
هقولك الى يزعلك انك ممكن تضيع الكلية الى كنت بتحلم بيها على درجة
ديه حاجة تنقط بس يلا الخيرة فيما اختاره الله

Mr. Ahmad
7th October 2009, 01:38 AM
هقولك الى يزعلك انك ممكن تضيع الكلية الى كنت بتحلم بيها على درجة
ديه حاجة تنقط بس يلا الخيرة فيما اختاره الله


لو تسمحلي اتدخل؟!

طالما ده حصل معاك..يبئي أنت اكيد اكيد في مصر!

عادي يا صاحبي بئي...كل الناس بيحصل معاها كدا وانا منهم

انسي...وركز في نصيبك اللي جالك

وربنا يوفقك

Noosh
7th October 2009, 10:56 AM
اسمحلي انا كمان اتدخل ..

هو اصلا محدش دخل إلي هو عايزه ..


مفيش حد اعرفه دخل كليه هو نفسه فيها او كان باني عليها حلمه ..

انا مثلا مش كان ابدا من احلامي اني ادخل علوم ..

بس التنسيق جاب لي علوم ..
ولا كان في خيالي اني ممكن ادرس طب بيطري .

بس حولت بيطري واديني ما زلت انتظر ,,

يعني كل احلام السنين ضاعت .. وتعب الثانوية العامة راح فشوش ..

بس نعمل ايه ..

طبعا ولا حاجة ..

تحياتي

Mr. Osama
7th October 2009, 08:30 PM
محدش يزعل من صراحتى اللى جايبة لى الكافية
:3rbloadiz_3:
90 % مننا للاسف كان بيذاكر فى ثانوى بالبركة
وخلاص ولا كان عنده حلم ولا كان عنده هدف

يعنى لو جاب 99 يبقى طب
ولو جاب 97 يبقى اسنان او صيدلة
ولو جاب 92 يبقى علوم

من الاخر اغلبنا الا ما رحم ربى
عايش بالبركة
زى ما الدنيا بتوديه هوا ماشى

Noosh
7th October 2009, 09:01 PM
لا يا كاسبر مش الكل ..

انا بجد كان نفسي ادرس اقتصاد وعلوم سياسية ..

كان نفسي في كده من اعدادي ..

بس نصيبي بقة

??????
7th October 2009, 09:11 PM
والله يا كاسبر مش كده يعنى انا كان نفسى فى صيدلة وبعدها بيطرى
وربنا كرمنى ب92 فى تانية ثانوى رغم انى المد اللاه كنت بذاكروفى تالتة ربنا كرمنى ب98 كله توفيق من عند ربنا وقمسة وكل واحد بياخد نصيبة
بس فى الاخر فى اسباب للتفوق وانا شوفتها عملى بيعنى مع اصحابى
لو تحبوا ممكن اعرضها

tahaelsyad
10th October 2009, 07:50 PM
متشكر جداا على الموضوع
بس ممكن حضرتك تتكلم عن مجالا ت العمل بعد التخرج

MAi el etreby
10th October 2009, 10:54 PM
انا من رأى سواء داخل الكلية مرغم او بمزاجك. ح تتفاجأ انك بتسمع جاجة اول مرة. يعنى اكتر حاجة مزعلانى ان طول عمرنا بندرس بالعريى, و اى واحد فينا دخل كلية علمية مستفدش كلمة من العربى اللى خدو:Bg-025:

Noosh
24th October 2009, 05:54 PM
مش عارفة ادرس حاجة

مش فاهمة ولا حاجة ..

الدكاترة مش متعاونين معايا

لسة مش جبت كل الكتب ..

معرفتش اخد المحاضرات الي فاتتني

اسمي لسة مش اتسجل في الكلية

اعتقد بيسجلوني غياب

بروح للدكاترة بشرح لهم الوضع

دكتور قالي شوفي زمايلك ورحي للمعيد مش تيجي عندي الاول !!

ورحت لمعيدة .. شرحت لها قالت شوفي الكتاب المسائل محلولة فيه انت مش من هنا صح !!!!!!؟؟

انا بكلمها في موضوع وهي بتكلمني في موضوع



المعيد بتاع الجلوجيا الوحيد الي حسسني انه مقدر موقفي وقالي ابقي تعالي في اي وقت وان شاء الله كله تمام


كده دي اوكي

بس رياااااضيااااات عاملة لي ازمة
وكيميا وفيزيا


كل المواد متأخرة فيها


يارب ساعدني :3rbloadiz_2:

Mr. Osama
24th October 2009, 06:03 PM
يارب ساعدني :3rbloadiz_2:

هانت يا نوش
وتأكدي ان ربنا هيفرجها قريب اوى
SugarwareZ-220.gif

ثانيا بقى
قلتلك قبل كده
وانتى مش بتسمعى الكلام
:Bg-003:

صوري المحاضرات اللى فاتتك من اى زميلة ليكى وذاكرى منها
محدش هييجى يقولك المحاضرات اهه صوريها
لازم انتى اللى تروحي لهم وتساليهم عليها

Noosh
26th October 2009, 02:12 PM
شفت يا كاسبر ..

اهو اتشجعت ورحت اطلب من بنت سكاشن الحيوان عشان اصورها ..

قلت لها هروح اصور الورق دقيقة وهرجعهم ...

من غير ما تبص لي قالت اه اه طيب طيب .. !!

كانها بتسكتني ..

قلت مش مشكلة يبقى هي مش عايزة تديني ..

رحت لبنت تانية ..
نفس قلبة الوش .. مع فارق بسيط ادتني ورقتين بالضبط وقالت لي ده إلي معايا ..

قلت مش مشكلة فيش احسن من مفيش ..


\\\\\\\

هانت فعلا ..
هانت ..

*****

بقولك يا دكتور ..
مفيش اي حاجة عن رياضيات لسنة اولى ..
وكمان حشرات ..

معلش عارفة ممكن اكون مزعجة ..

تحياتي

doctor
27th October 2009, 06:04 AM
بصى يا لولو قوليلى عناوين حاجات الحشرات وانا اجبهالك



انما الرياضة معرفكيش:3rbloadiz_3:

Mr. Osama
27th October 2009, 11:59 AM
بقولك يا دكتور ..
مفيش اي حاجة عن رياضيات لسنة اولى ..

بس بلاش دكتور دي
محسسانى انى بحضر ال PhD
:3rbloadiz_3:

فيه محاضرات رياضة واسئلة كمان فى الموضوع اللى هو محاضرات اولى علوم القاهرة
SugarwareZ-220.gif

Noosh
27th October 2009, 06:08 PM
بصى يا لولو قوليلى عناوين حاجات الحشرات وانا اجبهالك

انما الرياضة معرفكيش



طيب هشوف بتاع الحشرات .. اسماء المواضيع بالضبط واجيبها

وفي الرياضيات انا اساسا مش اعرف نفسي !!

يسلمو يا دكتور

[quote=KASPAROV;61615]



بس بلاش دكتور دي
فيه محاضرات رياضة واسئلة كمان فى الموضوع اللى هو محاضرات اولى علوم القاهرة


[/quote


طيب هشوف الموضوع دلوقتي


بس ليه يا كاسبر مش عايزني اقول دكتور ؟؟؟
......

Mr. Osama
27th October 2009, 06:13 PM
بس ليه يا كاسبر مش عايزني اقول دكتور ؟؟؟

عشان انا مش دكتور
:Bg-035:

محاضرات الرياضة اهه

http://www.sciencesway.com/vb/showthread.php?t=10148

Noosh
27th October 2009, 06:15 PM
شكرا يا دكتــــ.......

قصدي كاسبر

..

شكلي هتحدف بالطوب :3rbloadiz_3:

Mr. Osama
27th October 2009, 06:17 PM
شكرا يا دكتــــ.......
:Bg-030:


كاسبر
only
SugarwareZ-220.gif

??????
27th October 2009, 08:25 PM
منور يا كاسبر:3rbloadiz_3:
مش دكتور اهه:Bg-021:
انا جيت امسى على اجدع طلاب فى علومimages/smilies/f.gif
وكمان اجدع اخوات فى المنتدى منورين يا شباب:Bg-039:

Noosh
27th October 2009, 09:35 PM
خلاص فهمت

كاسبر اونلي

******

منور يا حمادة

اهلا بكل طلاب بيطري

اجدع ناس ^_^

,,,

BGY
2nd November 2009, 07:55 PM
بجد يا كاسبر انت كده تمام اوى
وانا حاسس اننا معطلينك عن مذاكرتك :Bg-037:
بس معلش عندي استفسار ماله قسم علوم الحاسب انت كتبت قلت انه ملوش علاقه
بالحاجات اللي احنا نعرفها بتاعه الكمبيوتر وانهم بيهتموا بالرياضه
اكتر من الحاسب يعنى انا قرأت المواد اللى بأذن الله مفروض تتدرس في تالته
ورابعه للقسم ده لقيتها كلها حاسب فانت قصدك ان المواد دي نفسها اللي هي تحت كود
( س ) بتتكلم عن الرياضه اكتر مابتتكلم عن الحاسب ولا قصدك ان مواد الرياضه اللي احنا بندرسها مع مواد الحاسب هي اللي بيهتموا بيها اكتر
وثانيا انا اعرف انهم بيدرسوا برمجه يعني ( ASP | XML | C++ | Visual )
وحاجات كده وان اللي بيتخرج منها بيبقي مبرمج ان شاء الله
وكمان انا دخلت علوم عشان خاطر القسم ده
انا اصلا ولا بحب الكميا ولا الفيزيا ولا الرياضه حتى :Bg-038:
بس انا قلت اهى اول سنه تعدي وبعدين هدرس برمجه فعادي بقي
ودماغي مش في الكلام بتاع شركات الادويه والبترول وكل الحاجات دي
فياريت لو حد في القسم ده يفيدني او لو تعرف حد انت يا كاسبر يبقي اصلي
وجزاك الله خيرا...

Mr. Osama
2nd November 2009, 08:06 PM
بجد يا كاسبر انت كده تمام اوى
ربنا يخليك يا مان



انا دخلت علوم عشان خاطر القسم ده
ياريتك كنت دخلت علوم حاسب
بدل حاسبات علوم
:3rbloadiz_3:

هيا الفكرة يا مان ان فيه كلية اسمها حاسبات ومعلومات
ودي اللى بتطلع مهندسين كمبيوتر فى كافة المجالات
برمجة او هاردوير او ما الى ذلك
انا ماعرفش ليه بقى كليتنا العزيزة
بتدخل فى شغل ناس تانية
ما هيا حاجة من الاتنين
ياما هنعمل كوبي باست من مناهج حاسبات ومعلومات
ياما هنفتكس حاجات فى الحاسب الالى
:3rbloadiz_3:



فياريت لو حد في القسم ده يفيدني
بصراحة معلوماتى عن القسم ده مش اوى

BGY
2nd November 2009, 08:12 PM
ياريتك كنت دخلت علوم حاسب
بدل حاسبات علوم
:3rbloadiz_3:







طب هي حاسبات ومعلومات جتلى وانا قلت لأ منا كاتبها او كليه في التنسيق بس نعمل ايه القدر

Mr. Osama
2nd November 2009, 08:14 PM
طب هي حاسبات ومعلومات جتلى وانا قلت لأ منا كاتبها او كليه في التنسيق بس نعمل ايه القدر

قدر الله وما شاء فعل
ان شاء الله ربنا يكرمك فى القسم ده
وتبقى مهندس برمجة كبير
SugarwareZ-220.gif

BGY
2nd November 2009, 08:20 PM
طب هي لزمه الورده دي انك بتعزيني مقدما يعني ولا ايهSugarwareZ-220.gif

Mr. Osama
2nd November 2009, 08:21 PM
طب هي لزمه الورده دي انك بتعزيني مقدما يعني ولا ايهSugarwareZ-220.gif


دي دَفعة للمستقبل
:3rbloadiz_3:

BGY
2nd November 2009, 09:52 PM
ماشى ياعم مقبوله منك الورده الجميله دى وربنا يوفقك ويعينك

doctor
3rd November 2009, 06:15 AM
| C++ | Visual )




اهلا بيكimages/smilies/f.gif


ربنا معاك دول لوحدهم كفايه:3rbloadiz_3:

Noosh
8th November 2009, 06:22 PM
مساء \\ صباح الشوكليت


ازيكم يا شباب وصبايا ..


عندي طلب صغيرون ..

لو ممكن حد يفيدني في معلومات عن الماء الملكي Aqua regia

لاني مش لاقية حاجة مفيدة على اي موقع ,,

وميرسي

Mr. Osama
9th November 2009, 01:40 AM
لو ممكن حد يفيدني في معلومات عن الماء الملكي Aqua regia

لاني مش لاقية حاجة مفيدة على اي موقع ,,

http://ar.wikipedia.org/wiki/%D9%85%D8%A7%D8%A1_%D9%85%D9%84%D9%83%D9%8A

or

http://en.wikipedia.org/wiki/Aqua_regia (http://www.sciencesway.com/vb/redirector.php?url=http%3A%2F%2Fen.wikipedia.org%2Fwiki%2FAqua_regia)

????? ???
14th April 2010, 05:17 AM
جزاك الله كل خير ولي عودة ان شاء الله

NAIRA
14th April 2010, 09:02 AM
بس معلش عندي استفسار ماله قسم علوم الحاسب انت كتبت قلت انه ملوش علاقه
بالحاجات اللي احنا نعرفها بتاعه الكمبيوتر وانهم بيهتموا بالرياضه
اكتر من الحاسب يعنى انا قرأت المواد اللى بأذن الله مفروض تتدرس في تالته
ورابعه للقسم ده لقيتها كلها حاسب فانت قصدك ان المواد دي نفسها اللي هي تحت كود
( س ) بتتكلم عن الرياضه اكتر مابتتكلم عن الحاسب ولا قصدك ان مواد الرياضه اللي احنا بندرسها مع مواد الحاسب هي اللي بيهتموا بيها اكتر
وثانيا انا اعرف انهم بيدرسوا برمجه يعني ( ASP | XML | C++ | Visual )
وحاجات كده وان اللي بيتخرج منها بيبقي مبرمج ان شاء الله
وكمان انا دخلت علوم عشان خاطر القسم ده
انا اصلا ولا بحب الكميا ولا الفيزيا ولا الرياضه حتى :Bg-038:
بس انا قلت اهى اول سنه تعدي وبعدين هدرس برمجه فعادي بقي
ودماغي مش في الكلام بتاع شركات الادويه والبترول وكل الحاجات دي
فياريت لو حد في القسم ده يفيدني او لو تعرف حد انت يا كاسبر يبقي اصلي
وجزاك الله خيرا...





اهلا بيك يا BGY
انا فى قسم الاحصاء وعلوم الحاسب الفرقه التالته
هو فعلا بيهتموا بدراسه الحاسب بس بدرجه كبيره جدا بتكون بتعتمد على الرياضه
بدليل انها اصلا بتبقى اسمها علوم رياضه بس غريبه انك مش بتحب الرياضه:Bg-007:
وفى سنه تانيه ان شاء الله هتدرس رياضه وبس انا بتكلم زى ما درست
اما بقى فى تالته ان شاء الله هيبتدى تخصصك وتبدأ تدرس علوم الحاسب وكمان الاحصاء وكمان سمعت اللدكتور كان بيقولنا ان علوم قسم الاحصاء وعلوم الحاسب زيه زى كليه الحاسبات والمعلومات وهندسه قسم الحاسبات والنظم
بس هو قسم جميل والله وانا حباه وكمان الدكاتره اكدولنا ان فرص عمله فى الشركات كويسه بس والله اعلم
ربنا يوفقك ان شاء الله وتجيب تقديرات عاليه
دمت بود,,,,

????? ???
14th April 2010, 05:15 PM
السلام عليكم ورحمه الله وبركاته .... انا الحقيقة لسه مادخلتش علوم او بالاخص قسم البيو تكنولوجي اللي انا بتمني دراسته لكن الحقيقة الناس بتخوفني وبترعبني من مدي صعوبة وتعقيد الكلية وهذا القسم وانه لايمكن انجح او اتفوق فيه لانه معقد لابعد حد وده عمل حاجز كبير قوي بيني وبين الكلية ومش عارفة اعمل ايه ياتري ادخلها ولا لا ياتري حاانجح فيها ولا لا ... انا عاوزة حد يفيدني عن مواد سنة اولي علوم وياتري نوعية رياضة التفاضل والتكامل صعبة قوي اعمل ايه عشان اعدي وانجح فيها ياتري هي اساس للدراسة بعد كده .... كمان مادة botany , zoology bioche والكيمياء و الكيمياء الفيزيائية هل هي مواد صعبة يعني ممكن حديكلمني عنهم وعن وصف كل مادة واذاي ااقدر اتفوق فيها واذاكرها ياريت حد يديني المحاضرات والكتب اللي تفيدني فيهم بارك الله فيكم وطبعا من ضمنهم الرياضة :Bg-012:والاستتيكا لوسمحتم ... وياريت حد يكلمني عن تخصص البيو تكنولوجي اقسامه وفرص عمل كل قسم و حكاية اخصائي التحاليل :Bg-040: دي اي قسم بيوفروا وايه مميزاته وعيوبه وهل فعلا هو لسه مازال هذا التخصص مهضوم حقه في الممارسة حيث يعامل معاملة اقل وليس له الحق بامتلاك معمل خاص به . كمان فيه حاجة هل فيه كورسات دروس بالجامعة لكل مادة والكتب اشتريها من فين الخاصة بالجامعة ..ومقر كلية علوم فين بالضبط اسفة للاطالة بس انا فعلا محتاجة حد يطمني وياريت لوحد يحدثني عن الكلية علي الماسنجر باستفاضة اكتر وعلي استفسارات اكتر لو امكن حد من الدراسين يرسلي ايميله علي الخاص و جزاكم الله كل خير واسفة مرة اخري علي الاطالة

NAIRA
14th April 2010, 09:06 PM
بصى يا قمر انا ممكن افيدك من ناحيه الرياضه وبس
انتى هتدرسى فى الترم الاول جبر وهندسه فراغيه وميكانيكا واحد
ودول بجد سهلين جدا ولو انتى مش علوم رياضه يعنى داخله مش من علمى رياضه يعنى علمى علوم
بيخففوا عنكم المناهج شويه يعنى مش زى علمى رياضه اكييييييييييد
اما بالنسبه للترم التانى فانتى هتدرسى تفاضل وتكامل وميكانيكا اتنين
وبرده دول كويسين انا بتكلم زى ما درست فى سنه اولى
والله اعلم انتى هتدرسى ايه ممكن يكون فيه اختلاف
ركزى انتى بس وان شاء الله ربنا يكرمك
متقلقيش ومتسمعيش لحد وطالما انتى حابه القسم اجتهدى وان شاء الله ربنا يوفقك
دا اللى اقدر افيدك فيه ولو احتجتى حاجه من ناحيه الرياضه انا تحت امرك
اسأل الله لكى النجاح والفلاحimages/smilies/ff.gi

the black rose
14th April 2010, 09:19 PM
السلام عليكم ورحمه الله وبركاته
وعليكم السلام و رحمة الله و بركاته
.... انا الحقيقة لسه مادخلتش علوم او بالاخص قسم البيو تكنولوجي اللي انا بتمني دراسته لكن الحقيقة الناس بتخوفني وبترعبني من مدي صعوبة وتعقيد الكلية وهذا القسم وانه لايمكن انجح او اتفوق فيه لانه معقد لابعد حد وده عمل حاجز كبير قوي بيني وبين الكلية ومش عارفة اعمل ايه ياتري ادخلها ولا لا ياتري حاانجح فيها ولا لا

انا من رائى مفيش كلية صعبة و كلية سهلة فى كلية انتى حاباها و كلية لاء
و انتى لو عملتى اللى عليكى اكيد ربنا مش هبضيع تعبك ابدا
هى اها كلية محتاجة جهد بس لو انتى عايزة حاجة بجد صدقينى تقدري تنفذيها
انا لسة سنة اولى بس انا بقولك ده من اللى شوفته من التيرم الاول
خليكى واثقة فى نفسك

... انا عاوزة حد يفيدني عن مواد سنة اولي علوم وياتري نوعية رياضة التفاضل والتكامل صعبة قوي
لا التفاضل هتلاقيه فيه شبه كبير من رياضة 1
مش هخبى عليكى ناس كتير بتنزل فيه و ف نفس الوقت ناس كتير بتجيب تقديرات كويسة جدا
بس هو محتاج حل و متابعة مش اكتر و التكامل نفس النظام
اعمل ايه عشان اعدي وانجح فيها ياتري هي اساس للدراسة بعد كده .... كمان مادة botany , zoology bioche والكيمياء و الكيمياء الفيزيائية هل هي مواد صعبة يعني ممكن حديكلمني عنهم وعن وصف كل مادة واذاي ااقدر اتفوق فيها واذاكرها
بالنسبة للزولوجى و البوتنى فانا مش وخداهم
بس اصحابى واخدنهم هما اها تعبوا شوية ف الحفظ ف الاول
لان بتبقى الكمية كبيرة شوية
بس ف الاخر جابوا تقديرات كويسة فيهم جيد جدا امتياز كدا يعنى
اما الكميا فهى ف التيرم الاول كميا عامة و كميا عضوية
و التيرم التانى كميا فيزيائيزة و هى لذيذة و محتاجة شوية حل
و اهم حاجة فيهم عشان تذاكريهم تكتبى ورا الدوكتور و تتابعى معاه
و لو اى حاجة مش فاهماها متتردديش و روحى اسالى فيها
و الفيزيا التيرم الاول ميكانيكا و خصائص المادة و التانى كهربية و مغنطيسية
و موجات و و فيزيا حديثة
متتخضيش دى لذيذة جدا محتاجة بس حل ثم حل ثم حل مسائل
و تاخدى السيكشن مع معيد كويس د.عماد مثلا هو احسن معيد فيزيا

ياريت حد يديني المحاضرات والكتب اللي تفيدني فيهم بارك الله فيكم وطبعا من ضمنهم الرياضة :bg-012:والاستتيكا لوسمحتم
المحاضرات هتلاقى هنا ف القسم دورى و هتلاقى ان شاء الله
... وياريت حد يكلمني عن تخصص البيو تكنولوجي اقسامه وفرص عمل كل قسم و حكاية اخصائي التحاليل :bg-040: دي اي قسم بيوفروا وايه مميزاته وعيوبه وهل فعلا هو لسه مازال هذا التخصص مهضوم حقه في الممارسة حيث يعامل معاملة اقل وليس له الحق بامتلاك معمل خاص به .
بصراحة معرفش حد تانى يدخل يفيدك ان شاء الله
كمان فيه حاجة هل فيه كورسات دروس بالجامعة لكل مادة والكتب اشتريها من فين الخاصة بالجامعة
تقدرى تقولى المعيدين كلهم بيدوا كورسات عادى يعنى
و الكتب ياستى كل مادة الدكتور بيقولك تجبيها منين
و هى بتبقى موجودة ف القسم يعنى الفيزيا ف قسم الفيزيا الخ
..ومقر كلية علوم فين بالضبط
بصى يا ستى
اول ما تدخلى من الباب الرئيسى هتلاقى القبة امشى جنبها
وراها علطول هتلاقى قسم الرياضة اللى هو القسم الرئيسى
و على شماله قسم الكميا و جنبيه مدرج مشرفة و بعديهم قسم الفيزيا
و على يمينه قسم النبات و الحيوان و مدرج والى
و الباقى بقى متفرقين ف باقى الجامعة
اسفة للاطالة بس انا فعلا محتاجة حد يطمني وياريت لوحد يحدثني عن الكلية علي الماسنجر باستفاضة اكتر وعلي استفسارات اكتر لو امكن حد من الدراسين يرسلي ايميله علي الخاص و جزاكم الله كل خير واسفة مرة اخري علي الاطالة

ولا يهمك
ربنا معاكى و تقدرى تقررى
و اهم حاجة تصلى استخارة و ان شاء الله ربنا يوفقك للخير
و اتمنى اكون افدتك
و اى خدمة احنا تحت امرك
فى امان الله

the black rose
14th April 2010, 09:28 PM
بصى يا قمر انا ممكن افيدك من ناحيه الرياضه وبس
انتى هتدرسى فى الترم الاول جبر وهندسه فراغيه وميكانيكا واحد
ودول بجد سهلين جدا ولو انتى مش علوم رياضه يعنى داخله مش من علمى رياضه يعنى علمى علوم
بيخففوا عنكم المناهج شويه يعنى مش زى علمى رياضه اكييييييييييد
اما بالنسبه للترم التانى فانتى هتدرسى تفاضل وتكامل وميكانيكا اتنين
وبرده دول كويسين انا بتكلم زى ما درست فى سنه اولى
والله اعلم انتى هتدرسى ايه ممكن يكون فيه اختلاف
ركزى انتى بس وان شاء الله ربنا يكرمك
متقلقيش ومتسمعيش لحد وطالما انتى حابه القسم اجتهدى وان شاء الله ربنا يوفقك
دا اللى اقدر افيدك فيه ولو احتجتى حاجه من ناحيه الرياضه انا تحت امرك
اسأل الله لكى النجاح والفلاحimages/smilies/ff.gi



انتى بتتكلمى على علوم المنصورة
وانا بتكلم عالقاهرة
كل كلية و ليها نظامها :3rbloadiz_3:

NAIRA
14th April 2010, 09:39 PM
انتى بتتكلمى على علوم المنصورة
وانا بتكلم عالقاهرة
كل كلية و ليها نظامها :3rbloadiz_3:



اها انا عارفه انا بس حبيت ارد يمكن اقدر افيد بحاجه

وبصراحه برده انا مش عارفه هى علوم ايه؟؟؟؟؟؟

ربنا يوفق الجميع:Bg-041:

????? ???
15th April 2010, 07:03 PM
بصى يا قمر انا ممكن افيدك من ناحيه الرياضه وبس



انتى هتدرسى فى الترم الاول جبر وهندسه فراغيه وميكانيكا واحد
ودول بجد سهلين جدا ولو انتى مش علوم رياضه يعنى داخله مش من علمى رياضه يعنى علمى علوم
بيخففوا عنكم المناهج شويه يعنى مش زى علمى رياضه اكييييييييييد
اما بالنسبه للترم التانى فانتى هتدرسى تفاضل وتكامل وميكانيكا اتنين
وبرده دول كويسين انا بتكلم زى ما درست فى سنه اولى
والله اعلم انتى هتدرسى ايه ممكن يكون فيه اختلاف
ركزى انتى بس وان شاء الله ربنا يكرمك
متقلقيش ومتسمعيش لحد وطالما انتى حابه القسم اجتهدى وان شاء الله ربنا يوفقك
دا اللى اقدر افيدك فيه ولو احتجتى حاجه من ناحيه الرياضه انا تحت امرك
اسأل الله لكى النجاح والفلاحimages/smilies/ff.gi
ربنا يكرمك ويسعدك بارك الله فيكي وجزاكي ربي كل خير وربنا يسمع منك ويوفقني في الدراسة يارب اللهم امين بس علي فكرة انا اكيد اكيد حا احتاجك في الرياضة SugarwareZ-220.gif:Bg-001: علشان انا علمي علوم وابيض في الرياضة وبالكتير رمادي وبقولك مرة تانية جزاكي ربي كل الخير وياريت اتواصل معاكي علي الماسنجر ممكن ترسيلي لي ايميلك علي الخاص اذا امكن
وجزاكي الله كل خير يارب images/smilies/ff.gi

????? ???
15th April 2010, 07:11 PM
ولا يهمك

ربنا معاكى و تقدرى تقررى
و اهم حاجة تصلى استخارة و ان شاء الله ربنا يوفقك للخير
و اتمنى اكون افدتك
و اى خدمة احنا تحت امرك
فى امان الله

اولا انا مش عارفة ااقدر ااشكرك اذاي علي ردك الشامل علي اسئلتي واهتمامك جزاكي ربي كل خير وجعلها بميزان حسناتك واكرمك الله واعزك وانا كنت الحقيقة مرعوبة جدا من كلام الناس ليا عن الكلية بس انا دلوقتي اطمنت عن الاول وربنا المعين انا برده حا استخير ربنا علشان يتم الاطمئنان التام باذن الله تعالي بس ياتري ممكن بعد ما قرر لو انا احتجت منكم حاجة عن الكلية وعن الدروس اللي بتتاخد من الجامعة في المواد والرياضة تساعدوني ؟ اذا امكن ممكن ترسلوا لي الايميل علي الخاص و ربنا ييسر الامور يارب ويكرمكم جميعا بكل الخير ويحقق لكم كل اللي تتمنوه يارب و جزاكي الله كل خير اختي images/smilies/ff.gi

????? ???
15th April 2010, 07:22 PM
معلش عندي سؤال عن اقسام كلية علوم وياريت حد يشرح قسم الكيمياء ومايتضمنه من تخصصات وفرص عمل كل تخصص وما هو البيو تكنولوجي واقسامه وكده ... كمان عاوزة اسال عن تخصص التحاليل:Bg-040: اذاي وياتري هو فرصة العمل بها بعد التخرج بتكون اذاي وايه المشاكل اللي بتواجههم عند فتح معامل التحاليل وكده

?????????
15th April 2010, 08:46 PM
بصى انا تانية علوم بيولوجى المنصورة
عاقولك اللى اعرفه فى تخصصى احنا فى بيولوجى بندرس اول وتانى سنة تقريبا كل المواد يعنى بندرس حيوان (علم الاجنة embryologyودة جميل دا وفقاريات vertebratesمش بطال وعلم انسجة اللى هوة histologyوفسيولوجى وده جميل جدا بس محتاج حفظ )ونبات (بناخد تقسيم ودة بيتكلم عن بعض الانواع النباتية زى الطحالب والفطريات وامثلة عليهم وبناخد مورفولوجى او علم الشكل الظاهرى ودة بيعتمد على دراسة اشكال النباتات والتحورات فيها بجد جميل )وفى الفيزياء بندرس فى اول سنة كهربية ومغناطيسية وخواص مادة وضوء ودول بصراحة مش بحبهم والعملى بتاعهم مش بيتفهم اوى بس بالمتابعة احسن وكمان فى كيمياء بندرس فيها كيمياء فيزيائية دى جميلة جدا والله بس محتاجة تتذاكر اول باول لانك هتحتاجيها بعدين ده لو دخلتى بيولوجى وكيمياء تحليلية ودى سهلة والترم التانى فى كيمياء غير عضوية ودى سهلة جدا ومعظمها ثانوية عامة بانسبة للرياضة فهى عندنا جبر وهندسة وتفضل وتكامل الجبر والهندسة كويسين بس التفاضل والتكامل محتاجين تركيز ومتابعة
ده باختصار بالنسبة للتحاليل ممكن تدخليهامن كيمياء او من بيولوجى لو من بيولوجى ممكن فى اقسام كتير زى نبات وكيمياء -حيوان وكيمياء -كيمياء حيوى ودول بييساعدوك انك تاخدى دبلومة التحاليل وممكن برضة عن طريق قسم حشرات وكيمياء بس مش متاكدة وفى نبات خاص وكيمياء خاص والتخصص بيكون من تالت سنة وعلى حسب التقدير

shahy
15th April 2010, 10:19 PM
برافو يا كاسبر موضوع رائع يا ريت كل اصحابنا في كل الكليات:36_1_55[1]:
يعرفوا الكلام ده اذا كل واحد حب كليته عمره ماهيحس انها صعبة
(حب ما تعمل حتي تعمل ما تحب)images/smilies/ff.gi

????? ???
16th April 2010, 02:24 AM
بصى انا تانية علوم بيولوجى المنصورة
عاقولك اللى اعرفه فى تخصصى احنا فى بيولوجى بندرس اول وتانى سنة تقريبا كل المواد يعنى بندرس حيوان (علم الاجنة embryologyودة جميل دا وفقاريات vertebratesمش بطال وعلم انسجة اللى هوة histologyوفسيولوجى وده جميل جدا بس محتاج حفظ )ونبات (بناخد تقسيم ودة بيتكلم عن بعض الانواع النباتية زى الطحالب والفطريات وامثلة عليهم وبناخد مورفولوجى او علم الشكل الظاهرى ودة بيعتمد على دراسة اشكال النباتات والتحورات فيها بجد جميل )وفى الفيزياء بندرس فى اول سنة كهربية ومغناطيسية وخواص مادة وضوء ودول بصراحة مش بحبهم والعملى بتاعهم مش بيتفهم اوى بس بالمتابعة احسن وكمان فى كيمياء بندرس فيها كيمياء فيزيائية دى جميلة جدا والله بس محتاجة تتذاكر اول باول لانك هتحتاجيها بعدين ده لو دخلتى بيولوجى وكيمياء تحليلية ودى سهلة والترم التانى فى كيمياء غير عضوية ودى سهلة جدا ومعظمها ثانوية عامة بانسبة للرياضة فهى عندنا جبر وهندسة وتفضل وتكامل الجبر والهندسة كويسين بس التفاضل والتكامل محتاجين تركيز ومتابعة
ده باختصار بالنسبة للتحاليل ممكن تدخليهامن كيمياء او من بيولوجى لو من بيولوجى ممكن فى اقسام كتير زى نبات وكيمياء -حيوان وكيمياء -كيمياء حيوى ودول بييساعدوك انك تاخدى دبلومة التحاليل وممكن برضة عن طريق قسم حشرات وكيمياء بس مش متاكدة وفى نبات خاص وكيمياء خاص والتخصص بيكون من تالت سنة وعلى حسب التقدير
ربنا يكرمك وجزاكي ربي كل خير انا استفدت من كلامك عن الاقسام واتديني فكرة كويسة عنها ربنا يكرمك ويوفقك ويوفق الجميع يارب و انا بحاول اني استعد في التفاضل والتكامل اذا ربنا كتبلي الالتحاق بها بداية التيرم القادم ان شاء الله تعالي ومرة تانية جزاكي ربي كل الخير يارب images/smilies/f.gif

noda
25th June 2010, 04:09 PM
الموضوع ده رائع جداااااااااااااااااااااااا بجد مجهود رائع كاسبروف ربنا يجزيك عنه كل خير اينعم الكلام ده متأخر جدااااااااااااااااااا بالنسبه ليا بس اعتقد هيبقي مفيد اوي للي داخلين علوم جديد
وكنت عايزه بعد أذنك طبعا كاسبروف اضيف بعد الأشياء اللي ممكن يتعرضوا ليها طلبه سنه اولي في علوم القاهره وده عن تجربه شخصيه:Bg-035:

Mr. Osama
25th June 2010, 04:11 PM
الموضوع ده رائع جداااااااااااااااااااااااا بجد مجهود رائع كاسبروف ربنا يجزيك عنه كل خير اينعم الكلام ده متأخر جدااااااااااااااااااا بالنسبه ليا بس اعتقد هيبقي مفيد اوي للي داخلين علوم جديد
وكنت عايزه بعد أذنك طبعا كاسبروف اضيف بعد الأشياء اللي ممكن يتعرضوا ليها طلبه سنه اولي في علوم القاهره وده عن تجربه شخصيه:bg-035:

طبعا نودا اتفضلي
اعتبريه موضوعك

noda
25th June 2010, 04:40 PM
ميرسي ليك كاسبروف images/smilies/f.gif
اول شيء حابه اتكلم عنه وحصل معايا لما دخلت الكليه كنت كارهها جدا :Bg-028:لأن عمر ما كليه علوم خطرت ولو ثانيه علي بالي فمن صغري وكل الناس بتقولي يادكتوره امل :Bg-040:لأني كنت حابه المهنه ده اوي وكنت استغفر الله العظيم شاطره حبتين طبعا الموضوع ده اختفي تماما لما دخلت الكليه :Bg-019: فطبعا لما دخلت علوم كنت ربنا يسمحني ساخطه جدا وكنت حاسه ان علوم ده اقل من مستواي وطبعا حاصلتي مشكله اني مكنتش مسجله جدول لأني مكنتش اعرف اني المفروض اسجل جدول بنفسي و ده نتيجه اني مرحتش الكليه الا مره واحده عشان اسلم ورق التقديم و ده اكبر غلط لأن لازم الواحد يبقي علي تواصل مع الكليه سواء عن طريق النت او عن طريق زياره الكليه وخاصه لقاء العميد لأنه بيبقي مهم جدا لطلبه سنه اولي طبعا انا معرفتش الكلام ده لأني محولتش اعرفه وكان اول يوم في الكليه اصعب يوم عدي عليا في حياتي لأني مسجلتش جدول وضاع اول اسبوع من الدراسه كنت بحضر اي محاضره تخطر علي بالي وبالصدفه اخترت جيولوجيا وبيوفيزياء كمواد اختياريه
ان شاء الله اكمل بعد ماخلص الامتحانات وعلي فكره انا مبحكيش اللي حصلي من باب اني بحكي سيرتي الذاتيه :3rbloadiz_3:ولكن لأني والله حصلتلي مشاكل كتيررررر في سنه اولي نفسي محدش يتعرض ليها ابداااااااا:qqb023:

dasu
28th June 2010, 10:47 PM
ربنا يجازيك خير بجد توبيك هايل الواحد في بدية كل سنه بيقابل في الكلية طلبة اولي اللي طبعا تايهين و مش فاهمين حاجة لا في نظام و لا في دراسة و لا حتي في الشغل اللي ممكن يلاقوا

?????
15th September 2010, 05:38 AM
ميرسي ليك كاسبروف images/smilies/f.gif
اول شيء حابه اتكلم عنه وحصل معايا لما دخلت الكليه كنت كارهها جدا :Bg-028:لأن عمر ما كليه علوم خطرت ولو ثانيه علي بالي فمن صغري وكل الناس بتقولي يادكتوره امل :Bg-040:لأني كنت حابه المهنه ده اوي وكنت استغفر الله العظيم شاطره حبتين طبعا الموضوع ده اختفي تماما لما دخلت الكليه :Bg-019: فطبعا لما دخلت علوم كنت ربنا يسمحني ساخطه جدا وكنت حاسه ان علوم ده اقل من مستواي وطبعا حاصلتي مشكله اني مكنتش مسجله جدول لأني مكنتش اعرف اني المفروض اسجل جدول بنفسي و ده نتيجه اني مرحتش الكليه الا مره واحده عشان اسلم ورق التقديم و ده اكبر غلط لأن لازم الواحد يبقي علي تواصل مع الكليه سواء عن طريق النت او عن طريق زياره الكليه وخاصه لقاء العميد لأنه بيبقي مهم جدا لطلبه سنه اولي طبعا انا معرفتش الكلام ده لأني محولتش اعرفه وكان اول يوم في الكليه اصعب يوم عدي عليا في حياتي لأني مسجلتش جدول وضاع اول اسبوع من الدراسه كنت بحضر اي محاضره تخطر علي بالي وبالصدفه اخترت جيولوجيا وبيوفيزياء كمواد اختياريه
ان شاء الله اكمل بعد ماخلص الامتحانات وعلي فكره انا مبحكيش اللي حصلي من باب اني بحكي سيرتي الذاتيه :3rbloadiz_3:ولكن لأني والله حصلتلي مشاكل كتيررررر في سنه اولي نفسي محدش يتعرض ليها ابداااااااا:qqb023:

يعني ايه تسجلي جدول انا مش فاهمة حاجة:Bg-005:

Noosh
15th September 2010, 08:52 AM
يعني ايه تسجلي جدول انا مش فاهمة حاجة:Bg-005:



اول حاجة هتقابلك فى نظام الساعات المعتمدة حتى قبل ما تبدأ الدراسة , هيا تسجيل الجدول بمعنى ان الكلية مش هاتقوللك خد الجدول اهه ودى المواعيد اللى عليك ... لا ده مش هيحصل

فى نظام الساعات المعتمدة انت اللى بتختار الجدول وانت اللى بتختار اماكن ومواعيد المحاضرات والسكاشن وتختار الايام براحتك خالص ,,, طبعا بيبقى متوفر ليك اكتر من موعد لكل محاضرة فى اكتر من يوم وانت بتختار بس خلى بالك ان كل مجموعة ليها عدد معين من الطلبة وبعد كده هتتقفل الكترونيا

طبعا نسيت اقوللك انك بتسجل على الانترنت على موقع الكلية ,, طبعا واحد هيقولى دلوقتى مه ممكن واحد رخم يدخل غير المواعيد بتاعتى !!! ما تقلقش من الموضوع ده خالص , بعد ما بتدفع المصاريف بتاخد رقم سري خاص بيك ده غير رقم الكود بتاعك فى الكلية واللى بيفضل معاك على طول لغاية ما تتخرج خالص وبتدخل بيهم على صفحة خاصة بيك انت وانت المسئول طبعا لو حد غير فى البيانات دى عشان الرقم ده ما حدش يعرفه غيرك من الاخر يعنى باس ورد بس على صغير

نسيت اقولك ... انك لو ما دفعتش المصاريف فى النظام الجديد مش هتاخد الرقم السري ولا رقم الكود وبالتالى مش هاتسجل الجدول وبالتالى مش من حقك تحضر المحاضرات وبالتالى انت غياب !!!

من الاخر هتدفع يعنى هتدفع ... دى قضية محسومة فى الكلية من زمان بمزاجك هتدفع غصب عنك هتدفع , يعنى هيا مصاريف اولى مش كتير اوى مش هيعدوا 150 ولا حاجة بس انا مش متاكد من الرقم اوى لما هتروح الكلية هتعرف بنفسك الرقم الصحيح




كده تمام ؟؟

???
4th August 2011, 03:27 PM
بجد معلومات حلوه اوى انا لسه رايحه اولى علوم القاهره
وكنت بفكر احول عين شمس لان مجموعى يجبها ممكن تقولى ايه الافضل
انا عاوزه ابقى معيده فى صيدله او طب او
او ابقى د تحاليل ممكن تقولى ايه الاقسام للى تتيح ليا الفرصه دى انا علمى علوم

Mr. Osama
4th August 2011, 05:05 PM
بجد معلومات حلوه اوى انا لسه رايحه اولى علوم القاهره
وكنت بفكر احول عين شمس لان مجموعى يجبها ممكن تقولى ايه الافضل
انا عاوزه ابقى معيده فى صيدله او طب او
او ابقى د تحاليل ممكن تقولى ايه الاقسام للى تتيح ليا الفرصه دى انا علمى علوم




اولا الف مبروك على نتيجة الثانوية العامة وبالتوفيق
ثانيا مفيش فرق بين علوم القاهرة وعلوم عين شمس
الاتنين فيهم دكاترة متميزين ومقدرش افاضل واحدة على حساب التانية
عاوزة نصيحتي شوفي الاقرب لبيتك لكن زي ما قلتلك الاتنين كويسين

انا ليا ملحوظة على تعليقك
ازاي انتي رايحة علوم وعاوزة تبقي معيدة في صيدلة او طب !
المنطقى ان معيد طب خريج طب ومعيد صيدلة خريج صيدلة

ثانيا متحاوليش تبصي لعلوم من جانب واحد بس وهو جانب التحاليل والبالطو وجو الدكاترة
علوم فيها اقسام حلوة كتير لكن على اية حال مدام انتي حابة مجال التحاليل
يبقى غالبا قسم كيميا حيوان او قسم كيميا بيولوجي على حسب علمي يعني وابقي اسالي برضه للتأكيد يعني
طبعا التخصص بيبقى من سنة تانية لكن فيه مواد من اولى بتحدد مساري في السنين الجاية

???
4th August 2011, 10:39 PM
انا هقول لحضرتك انا قرتها ع منتدى تانى انهم قالوا لو انتى خريجه علوم ممكن بتبقى معيده فى طب او صيدله
هو انا الاقربلى علوم عين شمس
بس هل نظام الساعات المعتمده ده فى علومم عين شمس كمان ولالا

Mr. Osama
4th August 2011, 10:46 PM
انا هقول لحضرتك انا قرتها ع منتدى تانى انهم قالوا لو انتى خريجه علوم ممكن بتبقى معيده فى طب او صيدله
هو انا الاقربلى علوم عين شمس
بس هل نظام الساعات المعتمده ده فى علومم عين شمس كمان ولالا


يا همس اللى بيقول كده ده بيفتي وفاكر نفسه قاعد عالمصطبة ههههههههه
بصي هما الاتنين تقريبا زي بعض مع شوية اختلافات بسيطة
اممممممم تقريبا اها وممكن تاكدي من الموقع الرسمي بتاع الكلية

???
4th August 2011, 10:49 PM
مش عارفه والله هو واحد كان للى قال كده
عموما هشوف ع موقع الكليه وميرسى اوى تعبتك

Mr. Osama
4th August 2011, 10:52 PM
مش عارفه والله هو واحد كان للى قال كده
عموما هشوف ع موقع الكليه وميرسى اوى تعبتك

مفيش تعب ولا حاجة :)

???
4th August 2011, 10:53 PM
هو حضرتك اتخرجت ولالسه معانا فالكليه

Mr. Osama
4th August 2011, 11:00 PM
هو حضرتك اتخرجت ولالسه معانا فالكليه

انا لسه خريج جديد نوفي d: وخدت الشهادة في شهر تلاتة اللى فات الحمد لله

???
4th August 2011, 11:17 PM
مبروك عليك التخرج عقبالنا

Mr. Osama
4th August 2011, 11:19 PM
مبروك عليك التخرج عقبالنا

الله يبارك فيكي :)

dr.zanab
7th August 2011, 04:42 PM
جزاكم الله خير يا جماعة ......على الكلام المفيد ده انا اختي داخله علوم اسيوط ان شاء الله وفعلا منعرفش اي حاجة عنها هل نظامها زي القاهره كده ولا
يا ريت اللي يعرف حاجة يبلغنا وجزاكم الله خيرا

Mr. Osama
8th August 2011, 04:18 AM
جزانا الله واياكم
========

كان بودي اساعد حضرتك بس انا علوم القاهرة

???
8th August 2011, 08:28 PM
طب اناعلوم القاهره عاوزه اعرف اروح اقدم امتى ولما هقدم هتخصص ايه انامحتاره اوى

Mr. Osama
9th August 2011, 01:47 AM
طب اناعلوم القاهره عاوزه اعرف اروح اقدم امتى ولما هقدم هتخصص ايه انامحتاره اوى

جالك جواب التنسيق انه تم ترشيحك لكلية العلوم جامعة القاهرة ولا لسه الجواب ماجاش ؟

???
9th August 2011, 02:42 AM
اتلغى موضوع الجواب ده هى بتجيى ع النت وانا بطبعها وجت من بدرى انامرحله اولى

Mr. Osama
9th August 2011, 03:16 AM
اتلغى موضوع الجواب ده هى بتجيى ع النت وانا بطبعها وجت من بدرى انامرحله اولى


ياااااااااااااه يظهر اني مش عايش في الدنيا d:
بصي يا ستي الاول الورقة دي حافظي عليها ودايما تخاديها معاكي وانتي رايحة الجامعة
عشان هيا كارنيه دخولك الجامعة لغاية ما تعملي الكارنيه بتاع سنة اولى

على حد علمي ومعرفش الموضوع ده اتلغى ولا لا
هتروحي الكلية في الاول تسألى على شئون الطلبة
هيقولك غالبا في البداية تروحي تكشفي في مستشفى الطلبة
كشف اي كلام كده نظر وباطنى واسنان معرفش الحوار ده اتلغى ولا لسه

المهم بعد كده هترجعي تاني الكلية وتسالي عن مصاريف سنة اولى وميعاد دفعها امتى
بعد كده هتاخدي كتاب متخلف اسمه الكتاب الاصفر تمنه عشرين جنيه ولا حاجة
عشان تعرفي التخصصات وعشان تسجلي جدولك منه

بس لازم تروحي الكلية الفترة دي على الاقل عشان تاخدي فكرة وتعرفي شئون الطلبة فين
وهكذا

نرجع لمرجعونا وهو مسألة التخصص
لازم تعرفي ايه ميولك عشان تعرفي هتمشي في ايه في الكلية

هل مثلا بتحبي البيولوجي وعاوزة تكملي في البيولوجي والتحاليل فيما بعد وطبعا مع اغلب تخصصات الكيميا لان التخصص بيكون كيميا وبيولوجي مثلا يعني

هل بتحبي الرياضيات فتدخلي في سكة الميكانيكا وتخصص بعد كده في رياضة منفرد وعلوم حاسب

هل تحبي تخوضي مجالات جديدة ممتعة ومطلوبة في سوق العمل زي الجيوفيزيا والجيولوجيا

او هل عاوزة تمسكي العصاية من النص وتاخدي تخصص مزودج تكون الكيميا جز منه مع حاجة تاني مثلا جيولوجيا او بيولوجي او حيوان او فيزيا

???
10th August 2011, 02:06 AM
ايوه اناكنت حبه اخد كمياء ماكروبيولوجى انا هحاول انزل بس سمعت ان التقديم كمان10ايام فمش قادره اروح المشوار عالفاضى عشان الصيام

Mr. Osama
10th August 2011, 03:58 AM
ايوه اناكنت حبه اخد كمياء ماكروبيولوجى انا هحاول انزل بس سمعت ان التقديم كمان10ايام فمش قادره اروح المشوار عالفاضى عشان الصيام

على اي حال مفيش مشكلة
الجو اليومين دول فعلا حر وكده
المهم بس تابعي باستمرار اي جديد من على السايت بتاع الكلية

????????
11th August 2011, 07:29 AM
السلام عليكم ورحمة الله وبركاته

جزاكم الله خيراً على الموضوع الرائع

كان عندي استفسارات .. ارجو ان تكون لديكم اجابة ..

أنا خريجة الثانوية العامة السعودية وتنسيقى 13 أغسطس .. مجموعي بعد القدرات 96.8 .. و ميولي للفيزياء أكتر حاجة .. دايما كنت بأحلم إني أدخل كلية العلوم وأتخصص فيزياء وأكمل دراسات عليا
ويمكن في يوم من الأيام أكون عالمة فيزيائية .. طموحي كبير بس المشكلة انه بعيد
أنا محتاره بين الهندسة والعلوم
لأنه في ناس كتير قالتلي ان العلوم مالهاش مستقبل وآخرتها مدرسة .. وإن الحظ ضعيف جداً إني أتعين معيدة بعد التخرج
وكمان المواد صعبة جداً ..
وان الهندسة أحسن .. هل دا صحيح ؟؟
كمان هل فعلا في سنة اولى بيبقى في تلات شعب ( بيولوجي وعلوم طبيعية وجيولوجي ) واختار واحد منهم ؟؟
وهل في جامعة الاسكندرية قسم فلك ؟؟ وهل نظام الساعات المعتمدة مطبق فيها برده ؟؟

ورمضان كريم : )

????????
11th August 2011, 09:34 PM
الرجاء الرد .. السبت تنسيقي : (

Mr. Osama
12th August 2011, 01:56 AM
السلام عليكم ورحمة الله وبركاته

جزاكم الله خيراً على الموضوع الرائع

كان عندي استفسارات .. ارجو ان تكون لديكم اجابة ..

أنا خريجة الثانوية العامة السعودية وتنسيقى 13 أغسطس .. مجموعي بعد القدرات 96.8 .. و ميولي للفيزياء أكتر حاجة .. دايما كنت بأحلم إني أدخل كلية العلوم وأتخصص فيزياء وأكمل دراسات عليا
ويمكن في يوم من الأيام أكون عالمة فيزيائية .. طموحي كبير بس المشكلة انه بعيد
أنا محتاره بين الهندسة والعلوم
لأنه في ناس كتير قالتلي ان العلوم مالهاش مستقبل وآخرتها مدرسة .. وإن الحظ ضعيف جداً إني أتعين معيدة بعد التخرج
وكمان المواد صعبة جداً ..
وان الهندسة أحسن .. هل دا صحيح ؟؟


اختي في الله مش مسالة احسن واوحش
انا هقولك على كلمتين افضل من عشرة
طالما انتي حابة علوم ومختارها بإرادتك يبقى ربنا هيوفقك
كون اللى شايفها وحشة فدي وجهة نظره هوا مع احترامي للي شايف علوم بتطلع مدرسين
انا بقوله علوم مخرجة دكتور مصطفى السيد ودكتور احمد زويل ودكتور رشدي سعيد وعصام حجي ودكتور فاروق الباز
هندسة مخرجة مين ؟؟؟؟؟؟؟؟؟؟؟؟؟؟؟؟؟؟؟

انا مش بحب اقلل من شأن اي كلية تانية
بس اللي شايف علوم وحشة فدي وجهة نظره
وكلامه مش قاعدة ولا قرآن نازل من السماء

طالما انتي مقتنعة بعلوم وحاسة انك هتبدعي فيها خلاص




كمان هل فعلا في سنة اولى بيبقى في تلات شعب ( بيولوجي وعلوم طبيعية وجيولوجي ) واختار واحد منهم ؟؟

اعتقد فيه خيارات اكتر من كده
الموضوع باختصار بيبقى كذا مادة اساسية وكذا مادة اختيارية
الاساسي مثلا رياضة وفيزيا وكيميا والاختياري بيكون اللى ذكرتيهم

وهل في جامعة الاسكندرية قسم فلك ؟؟ وهل نظام الساعات المعتمدة مطبق فيها برده ؟؟

لا بصراحة معرفش لاني علوم القاهرة
تقدري تتأكدي من الموقع الرسمي تكتبي على جوجل
الموقع الرسمي لكلية العلوم جامعة الاسكندرية وشوفي الموقع

ورمضان كريم : )


وكل سنة وحضرتك طيبة

saloma
14th August 2011, 02:14 AM
شكرا على المعلومات السابقه
ولكنى اريد استفسار صغير
هل هناك فرق بين من يدخل الكليه من علمى علوم عن من يدخلها من علمى رياضه
انا من علمى رياضه واريد ان اعرف الفرق

Mr. Osama
14th August 2011, 02:52 AM
شكرا على المعلومات السابقه
لا شكر على واجب
ولكنى اريد استفسار صغير
هل هناك فرق بين من يدخل الكليه من علمى علوم عن من يدخلها من علمى رياضه
انا من علمى رياضه واريد ان اعرف الفرق


بص طالب علمي رياضة بما انه مش درس احياء في ثانوية عامة
فغالبا قسم بيولوجي مش متاح ليه
لكن دي مش عقبة ولا حاجة لان علوم مليانة اقسام كتييييييييييير
فعادي متقلقش خالص من الموضوع ده

بالتوفيق :)

Dr.zizo
14th August 2011, 05:00 AM
اولا انا طالب علوم مستجد ولسة مدخلتش الجامعة بس عندي كام سؤال كدة اولهم ان انا بفكر اخش قسم كيميا حيوي وميكروبيولوجي وثانيهم ان انا كنت في مدرسة عربي ومرعوب من موضوع الشرح والمذاكرة بالانجليزي

Mr. Osama
14th August 2011, 05:45 AM
اولا انا طالب علوم مستجد ولسة مدخلتش الجامعة بس عندي كام سؤال كدة اولهم ان انا بفكر اخش قسم كيميا حيوي وميكروبيولوجي وثانيهم ان انا كنت في مدرسة عربي ومرعوب من موضوع الشرح والمذاكرة بالانجليزي


بص يا زيزو مفيش مشكلة من قسم كيميا حيوي ولا من قسم ميكروبيولوجي ... اعتقد مجالهم حلو وطالما انت حابب القسم ده يبقى هتبدع فيه

بص مسألة الشرح والمذاكرة هتتعود عليها
انا ذكرت النقطة دي في الموضوع ده
حاول تقراه كله هوا طويل شوية d:
بس بجد هتستفيد عشان دي عصارة خبراتي
في الكلية دي وتقريبا ذكرت نقطة المذاكرة
وموضوع ان كل حاجة بالانجليزي
وازاي تذاكر وكل القصص دي

بالتوفيق ليك

Dr.zizo
14th August 2011, 07:03 AM
اول حاجة احب اشكررررر حضرتك جداا بس ممكن تعتبرني عضو غلس لو طلبت من حضرتك محاضرات اولى علوم عين شمس

Mr. Osama
14th August 2011, 07:29 AM
اول حاجة احب اشكررررر حضرتك جداا بس ممكن تعتبرني عضو غلس لو طلبت من حضرتك محاضرات اولى علوم عين شمس


الشكر لله يا زيزو
للاسف انا كنت علوم القاهرة
بص محاضرات اولى علوم عين شمس ممكن تلاقيها على الموقع الرسمي بتاع الكلية
بس عاوز نصيحتي ... محاضرتك اللى انت هتكتبها ورا الدكتور هيا دي الخلاصة

Dr.zizo
14th August 2011, 07:33 AM
بشكر حضرتك مرة نانية بس للاسف مافيش محاضرات موجودة على موقع الكلية انا بس كنت عايز اتعرف على المناهج وكدة

Mr. Osama
14th August 2011, 07:42 AM
بشكر حضرتك مرة نانية بس للاسف مافيش محاضرات موجودة على موقع الكلية انا بس كنت عايز اتعرف على المناهج وكدة



ليه بس كده يا زيزو عاوز تعكنن على روحك في الايام المفترجة دي d:
انت خليك فريش اليومين دول استمتع برمضان والاجازة
اصل انت كده كده هتزهق بعد كده واحتمال ترمي الكتب ومش تطيق تبص في وشها
على اي حال متحاولش تبص على حاجات من مناهج الكلية في الفترة دي
عشان هتتعقد من الكلية الفكرة باختصار شديد
ان اللى كان كتاب في ثانوي هيبقى عشرين مقرر في الكلية
واللى كان شابتر او فصل صغير في ثانوي هيبقى مقرر في الكلية
واللى كانت صفحتين في ثانوي هتبقى شابتر في الكلية

اسمع نصحيتي وبلاش تبص على اي حاجة
خليها في وقتها d:

saloma
14th August 2011, 11:54 PM
شكرا على الرد بس كنت عاوزه معلومات اكثر
زى مثلا
هل سوف يكون لى نفس المواد مثل علوم فى السنه الاولى
ام يوجد اختلاف فيها

Mr. Osama
14th August 2011, 11:56 PM
شكرا على الرد بس كنت عاوزه معلومات اكثر
زى مثلا
هل سوف يكون لى نفس المواد مثل علوم فى السنه الاولى
ام يوجد اختلاف فيها

المواد الاساسية هيا هيا مع طلبة اولى كلهم كيميا فيزيا رياضة انجليزي
المواد الاختيارية هيا اللى هتفرق

Dr.zizo
16th August 2011, 07:46 AM
هو احنا اية الادوات اللي المفروض نجبها انا سمعت اننا بنجيب بالطو ابيض وادوات تشريح الكلام دة صح ولا غلط والحاجات دي بنجبهافي سنة كام

Mr. Osama
16th August 2011, 07:55 AM
هو احنا اية الادوات اللي المفروض نجبها انا سمعت اننا بنجيب بالطو ابيض وادوات تشريح الكلام دة صح ولا غلط والحاجات دي بنجبهافي سنة كام

ادوات التشريح دي لطلبة بيولوجي بس والدكتور في السكشن هيقولك ايه هيا الادوات دي وتجبيها ازاي
اما بالنسبة لادوات معمل الكلية ودي اساسي كل الطلبة هيجيبوها وهتنفعك طول دراستك في الكلية
كده كده الدكتور هيقولك ايه الادوات دي في اول معمل كيميا في سنة اولى عامة هيا متوفرة في مكانين
الاول شارع القصر العيني اول ما تنزل من مترو السيدة زينب من الناحية اللى بتوديك عالجامعة والقصر العيني وهتلاقي محلات بالهبل واسعارهم كويسة
وفيه محلات جوه الجامعة جنب كلية اثار اسعارها كويسة برضه لكن الافضل تجيب من السيدة زي ما قلتلك

الادوات تقريبا : بالطو - حوالي 6 تست تيوبس اللى هيا الانابيب الرفيعة - بيكر محدش يقولي بيكر يعني ايه ههههههههه - فرشاة صغيرة برضه مش فاكر اسمها - وشوية حاجات تانية مش فاكر اساميهم
الدكتور هيقولك عليهم برضه

Dr.zizo
15th September 2011, 02:42 AM
سؤال ضروري دلوقتي مدرسة الكيميا بتاعتي لما عرفت اني دخلت علوم وسبت بيطري قالتلي دي غلطة عمرك عشان فكرة شركات الادوية و الميديكال ريب واولوية خريج البيطري عن العلوم في التعيين وحطتني في حيرة كبيررررة ممكن حد يقولي انا اعمل اية ويا ريت محدش يقولي اللي انت تحبة عشان للاسف انا مش عارف انا بحب اية فيهم

???
15th September 2011, 02:56 AM
نفس المشكله دى قابلتنى امبارح بس انامليش بيطرى غير اقاليم

Dr.zizo
15th September 2011, 03:01 AM
انا بردو جالي بيطري اسيوط بس مش مشكلة بالنسبة لي موضوع السفر بس الفكرة اني محتار فعلا بين البيطري والعلوم وخاصة بعد التخرج طبعا موضوع الشغل دة بتاع ربنا بس الواحد لازم يبقى مرتب نفسة

Mr. Osama
15th September 2011, 04:07 AM
يا جماعة احنا عاملين مشكلة من غير مشكلة
قصة الشغل دي في علم الغيب
الواحد مش مغسل وضامن جنة d:
انت مقتن بكليتك اللى انت اخترتها خلاص
كون ان فلان قالك اصل علوم دي مش عارف ايه
ياما هوا دخل علوم وفشل فيها ياما مش عارف اي حاجة
ومتخيل ان الكلية دي اللى بتطلع مدرسين علوم

نرجع ونقول الارزاق دي بتاعت ربنا
مع احترامي لطب بيطري ولكل الكليات التانية
بس انا ممكن ادخل طب وبرضه اقعد في البيت من غير شغل هههههههه
يبقى انا عملت ايه ؟!

توكل على الله وصلي صلاة استخارة وطالما انت حابب المجال وداخله على اقتناع يبقى ربنا هيوفقك فيه

saloma
21st September 2011, 11:47 PM
كنت عايزه ادخل قسم فيزياء علوم الليزر عاوزه اعرف ايه المواد الاختياريه الى ممكن اخدها السنه ده علشان فى الجامعه لم يفيدونى بالمعلومات

saloma
21st September 2011, 11:47 PM
علما باننى فى السنه الاولى

Mr. Osama
22nd September 2011, 01:44 AM
كان نفسي اساعد حضرتك
لكن للاسف معرفش ايه المواد الخاصة بعلوم ليزر

lola soltani
12th October 2011, 02:27 AM
بجد يا مستر اسامة انا مش عارفة اشكرك ازاي على التفاصيل اللي حضرتك كاتبها

بجد انا في حاجات وتفاصيل كنت تايهة فيها ومش عارفها

عرفتها دلوقتي من كلام حضرتك

يعني مش حقولك غير ربنا يكرمك



بس انا عندي لخبطة يعني مثلا مادة الحيوان فيها نظري وفيها عملي ؟

العملي عايزة افهم ايه نظامو يعني انا حضرت مرة وحدة عملي بتاع الحيوان ورسمت الرسمات اللي بيرسموها عالسبورة وكتبت الاجزاء ورجعت ترجمتها وحفظتها وكل حاجة

كدة انا عملت اللي علية ولا في حاجة تانية المفروض اني اعملها ؟

يعني مثلا في الامتحان العملي بتيجي صيغ الاسئلة ازاي

بيجيبو رسمات مثلا ويقولولنا اذكرو الاجزاء

ولا يجيبولنا العينة قدامنا ولازم نعملها حاجات ؟



واخر سؤال هي فعلا الكيمياء حاجة اساسية في قسم البيولوجي ؟؟؟

عشان انا مبحبش الكيميا اوي دة حيأثر تأثير سلبي علية ولا ايه ؟



وشكرا انا عارفة ان احنا تاعبينك معانا بس احنا برضووو غلابة :d

ولسة دي اول سنة لينا ومش عارفين اي حاجة

Mr. Osama
12th October 2011, 02:45 AM
بجد يا مستر اسامة انا مش عارفة اشكرك ازاي على التفاصيل اللي حضرتك كاتبها

بجد انا في حاجات وتفاصيل كنت تايهة فيها ومش عارفها

عرفتها دلوقتي من كلام حضرتك

يعني مش حقولك غير ربنا يكرمك

الشكر لله يا آلاء
وربنا يجعله في ميزان حسناتنا جميعا اللهم آمين
وبلاش مستر والجو ده كلنا هنا زمايل واخوات

بس انا عندي لخبطة يعني مثلا مادة الحيوان فيها نظري وفيها عملي ؟
تمام

العملي عايزة افهم ايه نظامو يعني انا حضرت مرة وحدة عملي بتاع الحيوان ورسمت الرسمات اللي بيرسموها عالسبورة وكتبت الاجزاء ورجعت ترجمتها وحفظتها وكل حاجة

كدة انا عملت اللي علية ولا في حاجة تانية المفروض اني اعملها ؟

يعني مثلا في الامتحان العملي بتيجي صيغ الاسئلة ازاي

بيجيبو رسمات مثلا ويقولولنا اذكرو الاجزاء

ولا يجيبولنا العينة قدامنا ولازم نعملها حاجات ؟
بالنسبة لعملي الحيوان او النبات او البيولوجي عموما
العملي بيكون ليه كذا شكل فيه مثلا سليدات بيطلبوا منك تتعرفي عليها وترسمي سكتش ليها وعليه البيانات
او مثلا عينات تحت الميكروسكوب ممكن يطلب منك اسمها بس ويديكي سؤال على العينة دي تحليه يعني حاجات بالشكل ده
وبيكون نظام الامتحان كذا عينة بتمري عليهم كل عينة ليها زمن محدد وليكن مثلا خمس دقايق اي كان حسب نوع المقرر

واخر سؤال هي فعلا الكيمياء حاجة اساسية في قسم البيولوجي ؟؟؟
الكيميا مهمة تقريبا في اغلب اقسام علوم اقصد هتساعدك في فهم اجزاء تانية في فروع تانية

عشان انا مبحبش الكيميا اوي دة حيأثر تأثير سلبي علية ولا ايه ؟
بصي حاولي تنسي ايام ثانوي في علوم هتبداي الكيميا من الصفر من اول التسمية في العضوية والذرة والجدول الدوري في الغير عضوية

ان شاء الله المواضيع هتكون بسيطة مع المذاكرة والفهم هتلاقي الموضوع سهل
متحاوليش تحطي لنفسك عقد وانتي لسه في اول الطريق
علوم مش رخمة ومكلكعة وفي نفس الوقت مش سهلة لدرجة التفاهة
زي ما قلتلك الكيميا مهمة وبيتبني عليها شابترز كتير فصول يعني في مواد تانية زي البيولوجي والحيوان وما الى ذلك


وشكرا انا عارفة ان احنا تاعبينك معانا بس احنا برضووو غلابة :d

ولسة دي اول سنة لينا ومش عارفين اي حاجة

مفيش تعب ولا حاجة
اي استفسار انا تحت امرك

lola soltani
12th October 2011, 02:50 AM
اووووووووكي شكرا جزيلا

وانا قولت مستر اسامة على اساس النيك نيم اللي حضرتك كاتبو ^ _^

Mr. Osama
12th October 2011, 02:53 AM
اووووووووكي شكرا جزيلا

وانا قولت مستر اسامة على اساس النيك نيم اللي حضرتك كاتبو ^ _^

هبقى اغير النيك نيم d:

lola soltani
12th October 2011, 07:53 PM
ورجعت بعد الفاصل :D >> ما هو خلاص بقى على قد ما انا بدخل المنتدى

بقيت زي حضرتك مشاركاتي بتكتر بس الفرق بقى انا بسأل وحضرتك تجاوب :Bg-001:

عايزة اعرف حاجة هيا مادة النبات متقسمة للاقسام دي صح ولا غلط ؟ اللي هيا

مونفولوجي _ سيستماتيك _ سيتو جناتك

والميكروبيولوجي من اقسام النبات برضو ولا دي حاجة تانية ؟


عشان انا في الجدول بتاعي بيكتبو نبات وبس مبيقولوش

مونفولجي او سيستماتيك او سيتو جناتك


بس الميكروبيولوجي متكوب في الجدول عادي

فعشان كدة عايزة اعرف دة من ضمن النبات ولا مادة لوحديها ؟


وعايزة اعرف ايه الفرق بينهم يعني الميكرو بندرس فيه ايه

والسيستماتيك

وسيتو جناتك

وكذلك المونفولوجي


يعني دلوقتي انا عايزة اقسم الكشكول بتاع المحاضرات

ومش عارفة اخلي كل الاقسام دي مع بعضيها يعني كلو يبقى نبات :Bg-007:

ولا كل قسم يبقى لوحدو :qqb010:

وفي الامتحان بيبقى امتحان نبات في كل دول ولا كل قسم بمتحن فيه لوحديه ؟



>> شكلي زودتها في اسألتي مش كدة O_o

Mr. Osama
12th October 2011, 08:21 PM
ورجعت بعد الفاصل :D >> ما هو خلاص بقى على قد ما انا بدخل المنتدى
المهم تنظمي وقتك بين النت وبين المذاكرة
بقيت زي حضرتك مشاركاتي بتكتر بس الفرق بقى انا بسأل وحضرتك تجاوب :Bg-001:
عايزة اعرف حاجة هيا مادة النبات متقسمة للاقسام دي صح ولا غلط ؟ اللي هيا

مونفولوجي _ سيستماتيك _ سيتو جناتك
بصراحة معرفش اقسام النبات اصلي مش درست نبات
والميكروبيولوجي من اقسام النبات برضو ولا دي حاجة تانية ؟
الميكرو فرع كبير مستقل بذاته ممكن تدرسوا جزء منه تبع النبات او الحيوان
بس هوا فرع منفصل ومستقل بذاته

عشان انا في الجدول بتاعي بيكتبو نبات وبس مبيقولوش

مونفولجي او سيستماتيك او سيتو جناتك


بس الميكروبيولوجي متكوب في الجدول عادي

فعشان كدة عايزة اعرف دة من ضمن النبات ولا مادة لوحديها ؟


وعايزة اعرف ايه الفرق بينهم يعني الميكرو بندرس فيه ايه

والسيستماتيك

وسيتو جناتك

وكذلك المونفولوجي
للاسف مش هقدر افيدك في الجزيئات دي
لاني لا افقه في النبات شيئا D:

يعني دلوقتي انا عايزة اقسم الكشكول بتاع المحاضرات
مفيش مشكلة اعملي للنبات جزء والكيميا جزء مثلا الرياضة جزء وهكذا ....
صعب تعملي تفريعات للنبات داخل الكشكول خصوصا انك لسه في اولى
واغلب مواد اولى كلها مواد جينرال شرح عام يعني مش بالتفصيل
ومش عارفة اخلي كل الاقسام دي مع بعضيها يعني كلو يبقى نبات :Bg-007:

ولا كل قسم يبقى لوحدو :qqb010:

وفي الامتحان بيبقى امتحان نبات في كل دول ولا كل قسم بمتحن فيه لوحديه ؟
مه لو مكتوب في الجدول نبات سستيماتك يبقى دي مادة
ولو مكتوب في مكان تاني في الجدول نبات مونفولوجي يبقى دي مادة تانية
بس غالبا والله أعلم برضه بيكونوا كلهم في ورقة امتحانية واحدة وبيعتبروهم مادة واحدة
بس حاولي تتأكدي من المعلومة دي


>> شكلي زودتها في اسألتي مش كدة O_o

لا عادي ولا يهمك :)
كان نفسي افيدك اكتر من كده بس انتي نشنتي على المواد اللى معرفش عنها الهوا :))

lola soltani
11th November 2011, 03:58 PM
سلام عليكم سؤال لو سمحتوووو

في مادة المايكرو احنا خلصنا العملي بتاعها وطلبو مننا ان احنا نرسم الرسومات ونحطها في الكتاب

ارسمها في ورقة والزقها عالرسمة ؟ ولا ارسمها في المكان الفاضي من الكتاب من غير ورقة



معلش انا بدقق جدا وبسأل اسألة تافهة

بس عشان معملش حاجة غلط وتعبي كلو يروح O _ o

Mr. Osama
11th November 2011, 09:34 PM
ارسميها في مكان فاضي في الكتاب :)

islamchan
27th January 2012, 04:54 PM
السلام عليكم ... طبعا الف شكر بجد لدكتورنا كاسبر .... بجد مجهود جميل بس لو سمحت انا محتاج مقرارات الترم التاني من اولي علوم طبيعيه عشان عايز اخد فكره عن المنهج قبل ما ادخل
و الف شكر بجد و يا ريت حضرتك تعمل جروب او باج علي ال facebook عشان يكون التواصل اسهل